இமாச்சலப் பிரதேசத்தின் தரம்ஷாலாவில் சாலையில் வேகமாகச் சென்ற கார் ஒன்று, எதிர் திசையில் இருந்து வந்த வேன் மீது மோதி பின்னர், அங்கு நிறுத்தப்பட்டிருந்த மற்றொரு வாகனத்தின் மீது மோதியது.
இந்த விபத்து சிசிடிவி கேமராவில் பதிவாகியுள்ளது. அதிவேக கார் பந்தயத்தில் நடைபெறும் விபத்து போல கார் விபத்துக்கு உள்ளாகியுள்ளது.
இந்த விபத்து, தர்மஷாலாவில் உள்ள படோல் கிராமத்திற்கு அருகே நடந்ததாக கூறப்படுகிறது. எவ்வாறாயினும், இந்த பயங்கர விபத்தில் உயிரிழப்புகள் ஏற்பட்டதாக தகவல் இல்லை. இந்த விபத்தின் காரணம் குறித்து தெரியவில்லை. இதுகுறித்து காவல்துறையினர் வழக்கு பதிவு செய்து விசாரித்து வருகின்றனர்.
சாலை விபத்துகளை குறைக்க பல்வேறு முயற்சிகள் எடுக்கப்பட்டு வந்தாலும் இம்மாதிரியான சம்பவங்கள் தொடர்ந்து நடைபெற்று வருகின்றன. பெரும்பாலும், இம்மாதிரியான விபத்துகள் கவனக்குறைவின் காரணமாகவே நிகழ்கின்றன.
கொரோனா காலத்தில், பொது முடக்கம் காரணமாக வாகன போக்குவரத்து மிக குறைவாகவே காணப்பட்டன. ஆனால், கொரோனா தாக்கம் குறைந்ததை தொடர்ந்து, கட்டுப்பாடுகள் விலக்கி கொள்ளப்பட்டன. இதையடுத்து, விபத்துகள் அதிகரிக்க தொடங்கி உள்ளன. இந்த வீடியோ சமூக வலைதளத்தில் தொடர்ந்து வைரலாகி வருகின்றன.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்