'மனமிருந்தால் மார்க்கமுண்டு’ என்பார்கள். எளிதில் சொல்லிவிட முடியும் என்றாலும் மனவலிமை என்பது அத்தனை எளிதில் உருவாகி விடுவதில்லை. டெலிவரி முகவராகப் பணிபுரியும் இந்த மாற்றுத் திறனாளி பெண் ஊழியர் தனது எதற்கும் அயர்ந்துவிடாத உழைப்பின் மூலம் அதை நிரூபித்து வருகிறார். அதுகுறித்த வீடியோ ஒன்றும் வைரலாகி வருகிறது. வீடியோவில், சிறப்புத் திறன் கொண்ட பெண் ஒருவர் ஸ்விக்கி சர்வீஸ் டி-ஷர்ட் அணிந்து, மோட்டார் பொருத்தப்பட்ட சக்கர நாற்காலியில் சென்று உணவு விநியோகம் செய்வதைக் காணலாம்.
ஜக்விந்தர் சிங் குமான் என்ற பயனர் இந்த வீடியோவை தனது லிங்க்டின் தளத்தில் பகிர்ந்துள்ளார். அந்த சிறிய கிளிப்பில், ஸ்விக்கி ஏஜென்ட் மோட்டார் பொருத்தப்பட்ட சக்கர நாற்காலியில் உணவை வழங்குவதைக் காணலாம்." நீங்கள் அலுவலகத்திற்கு தாமதமாக வந்தால் தேவையற்ற காரணங்களைக் கூறுகிறீர்கள். ஆனால் இந்த ரியல் ஹீரோ கடினமாக உழைக்கிறார் மற்றும் உண்மையான காரணங்களைக் கூட புறக்கணிக்கிறார்" என்று பதிவின் தலைப்பு கூறுகிறது. இந்த பதிவு வைரலாகி பல கருத்துக்களை குவித்து வருகிறது.
"நான் அவரை மிகவும் பாராட்டுகிறேன். மற்றவர்கள் அனைவரும் கடினமாக உழைக்கிறார்கள், கடினமாக உழைக்காததற்கு நமக்கு எந்த காரணமும் இல்லை" என்று ஒரு பயனர் கருத்து தெரிவித்தார். "அவரது இந்தத் தைரியம் பாராட்டக் கூடியது, இந்த வாய்ப்பை வழங்கியதற்காக ஸ்விக்கிக்கு வாழ்த்துகள். மேலும் அந்த டெலிவரி ஏஜெண்ட்டின் பாதுகாப்பு மற்றும் ஆரோக்கியத்தை கருத்தில் கொண்டு அந்த பெண்ணுக்கு அலைந்து திரிந்து பார்க்கும் வேலைக்கு பதிலாகத் தனது சிறந்த டெஸ்க் வேலையை வழங்குமாறு ஸ்விக்கியிடம் கேட்டுக்கொள்கிறேன்" என்று மற்றொரு பயனர் கூறினார். "கோடிக்கணக்கான மக்களுக்கு இது ஊக்கமளிக்கும் வகையில் இருக்கிறது, வாழ்க்கையில் ஏதாவது செய்ய உறுதியும் ஆற்றலும் இருந்தால், ஒரு நாள் அவர்கள் தங்கள் வழியைக் கண்டுபிடிப்பார்கள் என்பதை இந்த வீடியோ மிகச்சரியாக நிரூபிக்கிறது. இந்த திசையில் நிறுவனங்களால் அதிக முயற்சிகள் எடுக்கப்பட வேண்டும்," என்று மற்றொரு பயனர் மேலும் கூறினார். முன்னதாக, மற்றொரு வீடியோ ஒன்றில் ஒரு சிறப்புத் திறன் கொண்ட ஜொமாட்டோ டெலிவரி ஏஜென்ட், அவரது விடாமுயற்சிக்காக ஆன்லைனில் பலரது மனங்களை வென்றார். வீடியோவில், சிறப்புத் திறன் கொண்ட நபர் தனது மோட்டார் பொருத்தப்பட்ட சக்கர நாற்காலியில் உணவு வழங்குவதைக் காண முடிந்தது.
டைம்ஸ் நவ் செய்தியின்படி, டெலிவரி முகவர் சென்னையைச் சேர்ந்த 37 வயதான கணேஷ் முருகன் என அடையாளம் காணப்பட்டார்.
கணேஷ் முருகனின் கதையை ஐபிஎஸ் அதிகாரி டிபன்ஷு கப்ரா கடந்த மாதம் ட்விட்டரில் பகிர்ந்து கொண்டார். அவரது டூ-இன் ஒன் சக்கர நாற்காலி எளிதான போக்குவரத்துக்காக மோட்டார் பொருத்தப்பட்டுள்ளது. மேலும், ஒரு பொத்தானை அழுத்தினால் அது பிரிக்கப்படலாம் மற்றும் பின் பகுதி ஒரு எளிய சக்கர நாற்காலியாக மாறும்.