விமானசேவைகள் குறித்து அடிக்கடிப் பிரபலங்கள் விமர்சனங்களை ட்விட் செய்வது வழக்கம். அந்த வகையில் நடிகர் ராணா டக்குபத்தி அண்மையில் இண்டிகோ விமான சேவை குறித்து விமர்சனம் ஒன்றைத் தனது ட்விட்டரில் பதிவிட்டுள்ளார்.
அவரது ட்வீட்டில், “இந்தியாவின் மிக மோசமான விமான அனுபவம் @IndiGo6E!!ல் வாய்த்தது. விமான நேரங்கள் குறித்து எந்த அறிவிப்பும் இல்லை... காணாமல் போன லக்கேஜ்கள் கண்காணிக்கப்படவில்லை... ஊழியர்களுக்கு எந்த திறனும் இல்லை... இதை விட இன்னும் மோசமானதாக இருக்க முடியுமா?!” எனக் கேள்வி எழுப்பியிருந்தார்.
இதற்கு அடுத்து இண்டிகோ விமான நிறுவனம் ட்விட்டரில் டக்குபத்தியிடம் மன்னிப்பு கேட்டதுடன் அவரது லக்கேஜ் டெலிவரி செய்யப்படும் என்று உறுதியளித்தது.
அதற்கு அடுத்தும் ராணா இண்டிகோ விமான சேவையின் விளம்பரங்களை தனது ட்விட்டரில் பகடி செய்து ரீட்வீட் செய்து வருகிறார் என்பது குறிப்பிடத்தக்கது.