மியான்மர் ராணுவ விமானம் மிசோரத்தில் தரையிறங்க முயன்றபோது விபத்துக்குள்ளானதில் 6 பயணிகள் படுகாயம் அடைந்துள்ளதாக தெரிவிக்கப்பட்டுள்ளது.
மியான்மர் ராணுவ விமானம்:
மிசோரம் பகுதியிலுள்ள Lengpui விமான நிலையத்தில் ராணுவ விமான தரையிறங்க இருந்தது. திடீரென, அந்த விமானம் விபத்துக்குள்ளாகியுள்ளது. மியான்மரில் இருந்து 14 பேருடன் சிறிய ரக ராணுவ விமானம் புறப்பட்டது. விமானியுடன் சேர்த்து 14 பேர் பயணம் செய்துள்ளனர். விமானம் மிசோரம் மாநிலம் லெங்குபியில் தரையிறங்க முயன்ற போது திடீரென கட்டுப்பாட்டை இழந்தது. விமானம் தரையில் விழுந்து விபத்துக்குள்ளானது.
6 பேருக்கு காயம்:
இந்த விபத்தில் 6 பேர் படுகாயம் அடைந்ததாகவும் அவர்கள் மருத்துவமனையில் அனுமதித்ததாகவும் மிசோரம் போலீசார் தெரிவித்து உள்ளனர். விமானத்தில் பயணித்த மீதமுள்ள 8 பயணிகளும் எந்தவித உயிர்சேதமும் இன்றி உயிர் பிழைத்ததாக தெரிவிக்கப்பட்டு உள்ளது. காயம் அடைந்தவர்கள் மருத்துவமனையில் தொடர் சிகிச்சை பெற்று வருவதாக தெரிவிக்கப்பட்டுள்ளது. விபத்து ஏற்பட்டதற்கான காரணம் குறித்து போலீசார் விசாரணை மேற்கொண்டு வருகின்றனர்.