Breaking News LIVE: சமூகநீதி பற்றி எடப்பாடி பழனிசாமி பாடம் எடுக்க வேண்டாம்- டி.ஆர்.பாலு கண்டனம்
Breaking News LIVE: தமிழ்நாடு உள்பட இந்தியா முழுவதும் அடுத்தடுத்து நடக்கும் ப்ரேக்கிங் செய்திகளை உடனுக்குடன் தெரிந்துக்கொள்ள...
தனக்கே தெரியாத சமூகநீதி பற்றி, திமுக-வுக்கு எடப்பாடி பழனிசாமி பாடம் எடுக்க வேண்டாம் என டி.ஆர்.பாலு கண்டனம் தெரிவித்துள்ளார். அதிமுக உட்கட்சி சண்டையில், தனது பதவியை காப்பாற்ற பாஜகவை எடப்பாடி பழனிசாமி தூக்கி சுமக்கிறார் எனவும் டி.ஆர்.பாலு தெரிவித்துள்ளார்.
காங்கிரஸ் மூத்த தலைவர் ராகுல் காந்தி, டி.கே.சிவக்குமார், சித்தராமையா உள்ளிட்ட மூத்த காங்கிரஸ் தலைவர்களுடன் ஆலோசனை நடத்தினார். கர்நாடகாவில் அடுத்த ஆண்டு நடைபெறும் தேர்தலில் கூட்டுத் தலைமையின் கீழ் தேர்தலை சந்திக்க காங்கிரஸ் முடிவு என தகவல் வெளியாகியுள்ளது.
பாஜக செயற்குழு கூட்டத்தில் பங்கேற்பதற்காக, பிரதமர் நரேந்திர மோடி, ஹைதராபாத் சென்றடைந்தார். விமான நிலையத்தில் பிரதமர் நரேந்திர மோடியை, ஆளுநர் தமிழிசை உள்ளிட்டோர் வரவேற்றனர்.
முகமது நபி குறித்து அவதூறாக கருத்து தெரிவித்த முன்னாள் பாஜக செய்தி தொடர்பாளர் நுபுர் சர்மாவுக்கு எதிராக, மேற்கு வங்கத்தில் லுக் அவுட் நோட்டீஸ் பிறப்பிக்கப்பட்டுள்ளது.
சரவணா ஸ்டோர்ஸ் கோல்டு பேலசிற்கு சொந்தமான ரூபாய் 234 கோடி சொத்துக்களை அமலாக்கத்துறை முடக்கியுள்ளது.
பிரபல லாட்டரி அதிபர் மார்ட்டினுக்கு சொந்தமான ரூபாய் 173 கோடி சொத்துக்களை அமலாக்கத்துறை முடக்கியுள்ளது.
கீழமை நீதிமன்றங்களின் அனைத்து வழக்கு உத்தரவுகளையும் உடனே நீதிமன்ற வலைத்தளத்தில் பதிவேற்ற வேண்டும் என ஐகோர்ட் கிளை ஆணை பிறப்பித்துள்ளது.
சர்க்கரை நோயினால் பாதிக்கப்பட்டிருக்கும் திருநெல்வேலி அருள்மிகு நெல்லையப்பர் காந்திமதி அம்மன் கோவில் யானை காந்திமதிக்கு நடக்கும்போது கால் வலி ஏற்படாமல் இருக்கவும், மூட்டு வலியிலிருந்து தப்பிக்கவும் மருத்துவ குணம் வாய்ந்த ரூபாய் 12000 மதிப்பிலான தோல் செருப்புகளை செய்த பக்தர்கள் யானைக்கு அணிவித்தனர்.
தமிழகத்திலேயே நெல்லை மாவட்டத்தில் அமைந்துள்ள வரலாற்று சிறப்புமிக்க நெல்லையப்பர் காந்திமதி அம்மன் கோவில் யானைக்குதான் முதல் முதலாக செருப்பு அணிவிக்கப்பட்டுள்ளது என்பது குறிப்பிடத்தக்கது.
டெல்லியில் இருந்து ஜபல்பூருக்கு வானில் பறந்த ஸ்பைஸ்ஜெட் விமானத்தில் திடீரென புகை கிளம்பியது. இதையடுத்து, பயணிகள் பத்திரமாக இறங்கியதாக ஸ்பைஸ்ஜெட் செய்தித் தொடர்பாளர் தகவல் தெரிவித்துள்ளது.
சேலம் மேட்டூர் அணையில் நீர்வரத்து விநாடிக்கு 3,555 கன அடியில் இருந்து 2,512 ஆக குறைந்துள்ளது.
சென்னையில் 22 கேரட் ஆபரணத் தங்கத்தின் விலை சவரனுக்கு ரூ. 56 உயர்ந்து ரூ. 38,336க்கு விற்பனை செய்யப்பட்டு வருகிறது.
கல்வி பெறும் உரிமை சட்டத்தின்படி தகுதியான ஆட்களை மட்டுமே நியமிக்க வேண்டும் என சென்னை உயர்நீதிமன்றம் தெரிவித்துள்ளது.
சீனாவின் சின்ஜியாங் பகுதியில் 4.3 என்ற ரிக்டர் அளவில் நிலநடுக்கம் ஏற்பட்டுள்ளது.
தேசிய ஜனநாயக கூட்டணியின் குடியரசு தலைவர் வேட்பாளராக அறிவிக்கப்பட்ட திரவுபதி முர்மு இன்று ஆதரவு கேட்டு இன்று சென்னை வருகிறார்.
தெற்கு ஈரானில் 6.1 ரிக்டர் அளவில் நிலநடுக்கம் ஏற்பட்டதாக ஐரோப்பிய-மத்திய தரைக்கடல் நில அதிர்வு மையம் தகவல் தெரிவித்துள்ளது. இந்த பயங்கரமான நிலநடுக்கத்தில் தற்போது வரை மூன்று பேர் உயிரிழந்ததாகவும் தகவல் தெரிவிக்கப்பட்டுள்ளது.
Background
சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தை கண்டு வருகிறது. கடந்த 2021 ஆம் ஆண்டு நவம்பர் 4 ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழகத்தில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22 ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்.
இதனிடையே மத்திய நிதியமைச்சர் நிர்மலா சீதாராமன் கடந்த மே 21 ஆம் தேதி பெட்ரோல் மற்றும் டீசலுக்கான கலால் வரியை குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22 ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 41வது நாளாக விலை மாற்றமின்றி விற்பனை செய்யப்படுகிறது.
இன்றைய பெட்ரோல் டீசல் விலை
அதன்படி இன்று ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் விற்பனையாகிறது.
முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருட்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையை குறைப்பார்களா என்று பொதுமக்கள் கேள்வி எழுப்பி வருவது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
- - - - - - - - - Advertisement - - - - - - - - -