தன்னிடமும் நிறைய பேர் அட்ஜெஸ்ட்மெண்ட் கேட்டதாக நடிகை அனுகிருஷ்ணா தெரிவித்துள்ளார்.
பேட்டி ஒன்றில் நடிகை அனு கிருஷ்ணாவிடம் அட்ஜஸ்ட்மென்ட் பற்றி கேட்கப்பட்ட கேள்விக்கு, தன்னிடமும் நிறைய பேர் அட்ஜஸ்ட்மென்ட் கேட்டார்கள் என்றும் வெளிப்படையாக கூறியிருக்கிறார். ஆனால் நான் அதற்கு வரவில்லை. சினிமா வாய்ப்பு கிடைக்கவில்லை என்றாலும் வேற வேலையை பார்த்துக் கொண்டாவது என் வாழ்க்கையை ஓட்டி விடுவேன். அதனால் அட்ஜஸ்ட்மென்ட் கேட்டபோது நான் மறுத்திருக்கிறேன்” என அந்த பேட்டியில் தெரிவித்துள்ளார் அனுகிருஷ்ணா.
தமிழ் சினிமாவில் குழந்தை நட்சத்திரமாக அறிமுகமாகி இன்று பல படங்களில் லீட் ரோலில் நடித்துக் கொண்டிருப்பவர் நடிகை அனு கிருஷ்ணா. இவர் விஜய் நடிப்பில் வெளியான பிரண்ட்ஸ் திரைப்படத்தில் விஜய்க்கு சிறு வயது தங்கையாக நடித்திருந்தார்.
அதுமட்டுமில்லாமல் கத்தி படத்தில் கிராமத்து கதாபாத்திரத்தில் விஜய்க்கு தங்கையாகவும் நடித்து ரசிகர்கள் மத்தியில் நல்ல வரவேற்பை பெற்றிருந்தார். அனுகிருஷ்ணா சில திரைப்படங்களில் ஹீரோயினாகவும் நடித்து இருக்கின்றார். இவர் நடித்த போயா வேலைய பாத்துக்கிட்டு, இளமி, சின்னஞ்சிறிய பறவை போன்ற படங்கள் நடித்திருந்தாலும் இன்னும் ஒரு நடிகை என்ற அந்தஸ்தை பெறுவதற்காக தொடர்ந்து முயற்சிகளை மேற்கொண்டு வருகிறார். இவர் தமிழ் மட்டும் அல்லாமல், தெலுங்கும் கன்னடம், ஹிந்தி போன்ற படங்களிலும் நடித்துக் கொண்டிருக்கிறார்.
மலையாளத்தை தாய் மொழியாக கொண்ட அனுகிருஷ்ணா சென்னையில் செட்டில் ஆகி உள்ளார். இவருக்கு தமிழில் நடிகர் ரஜினியை மட்டும்தான் மிகவும் பிடிக்குமாம். ரஜினியின் தீவிர ரசிகையான அனுகிருஷ்ணா ரஜினி நடிக்கின்ற படத்தில் வாய்ப்பு கிடைத்தால் நடிப்பதற்கு தயாராக இருப்பதாகவும் ஒரு பேட்டியில் கூறி இருந்தார்.
தமிழ் சினிமாவில் அட்ஜெஸ்ட்மெண்ட் என்ற வார்த்தை மிகவும் பிரபலம். நடிகைகள் அட்ஜெஸ்ட்மெண்ட் செய்தால் தான் அவர்களுக்கு பட வாய்ப்பு கிடைக்கும் என்பது தான் அடிக்கடி வந்து போகும் சர்ச்சை செய்தியாக உள்ளது. இதற்கு முன்னதாக நடிகை ஸ்ரீ ரெட்டி,நடிகர்கள், இயக்குனர்கள் அட்ஜெஸ்ட்மெண்ட் செய்ய சொன்னதாகவும், ஆனால் அதன் பின்பு வாய்ப்பு தரவில்லை எனவும் கூறியதுடன், சிலரின் பெயர்களை பகிரங்கமாக தெரிவித்திருந்தது, சினிமா வட்டாரத்தில் அதிர்வலைகளை ஏற்படுத்தி இருந்தது. ஏன் சமீப காலமாக சினிமா நடிகைகள் முதல் சீரியல் நடிகைகள் வரை பலர் அட்ஜெட்மெண்ட் கேட்பதாக தங்கள் பேட்டிகளில் வெளிப்படுத்தி வருகின்றனர். ஆனாலும் இந்த பிரச்சனைக்கு தீர்வு கிடைத்தபாடில்லை.
மேலும் படிக்க