New Criminal Laws: நாடு முழுவதும் நள்ளிரவு முதல் அமலுக்கு வந்த புதிய குற்றவியல் சட்டங்கள் - கடும் தண்டனைகள் என்ன?

New Criminal Laws: புதிய குற்றவியல் சட்டங்கள் மூலம் ஆன்லைன் மூலமே காவல்துறையிடம் புகாரளிக்கும் வசதி ஏற்படுத்தப்பட்டுள்ளது.

New Criminal Laws: வரலாற்று நடவடிக்கையாக நாடு முழுவதும் புதிய குற்றவியல் சட்டங்கள் நள்ளிரவு முதல் அமலுக்கு வந்துள்ளன.

அமலுக்கு வந்த புதிய குற்றவியல் சட்டங்கள்:

ஒரு முக்கிய நடவடிக்கையாக, மூன்று புதிய குற்றவியல் சட்டங்கள், நள்ளிரவு முதல் இந்தியா முழுவதும் நடைமுறைக்கு வந்துள்ளன. இவை காலனித்துவ கால சட்டங்களை மாற்றியமைத்து, குற்றவியல் நீதி அமைப்பில் குறிப்பிடத்தக்க சீர்திருத்தங்களை ஏற்படுத்துகின்றன. பாரதீய நியாய சன்ஹிதா, பாரதிய நாகரிக் சுரக்ஷா சன்ஹிதா மற்றும் பாரதிய சாக்ஷ்ய ஆதினியம் ஆகியவை முறையே இந்திய தண்டனைச் சட்டம், குற்றவியல் நடைமுறைச் சட்டம் மற்றும் இந்திய சாட்சியச் சட்டம் ஆகியவை, அமலுக்கு வந்துள்ள புதிய சட்டங்கள் ஆகும்.

புதிய சட்டங்கள் இந்தியாவின் நீதி அமைப்பை நவீனமயமாக்குவதை நோக்கமாகக் கொண்டுள்ளன என மத்திய அரசு தெரிவித்துள்ளது.  ஜீரோ எஃப்ஐஆர், ஆன்லைனிலேயே காவல்துறையிடம் புகார்களை பதிவு செய்தல் மற்றும் மின்னணு சம்மன்கள் போன்ற விதிகளை உள்ளடக்கியது. "இந்தச் சட்டங்கள் சமகால சமூக உண்மைகள் மற்றும் குற்றங்களுக்கு தீர்வு காணும் வகையில் வடிவமைக்கப்பட்டுள்ளன, நமது அரசியலமைப்பில் பொதிந்துள்ள லட்சியங்களை பிரதிபலிக்கும் வழிமுறைகளை உறுதிப்படுத்துகிறது" என்றும் மத்திய அரசு தரப்பில் தெரிவிக்கப்பட்டுள்ளது.

புதிய சட்டத்தில் உள்ள அம்சங்கள் என்ன?

• முக்கிய சீர்திருத்தங்களில் கொடூரமான குற்ற வழக்குகளில் அவை நடந்த இடங்கள் தொடர்பான கட்டாய வீடியோகிராஃபி சமர்பிக்கப்பட வேண்டும்.


• புதிய சட்டத்தின்படி, குற்றவியல் வழக்குகளின் தீர்ப்புகள் விசாரணை முடிந்த 45 நாட்களுக்குள் வழங்கப்பட வேண்டும்.  முதல் விசாரணையின் 60 நாட்களுக்குள் குற்றச்சாட்டுகள் சமர்பிக்கப்பட வேண்டும்.  பாலியல் தொல்லைக்கு ஆளானவர்களிடம் இருந்து பாதுகாவலர் அல்லது உறவினர் முன்னிலையில், பெண் போலீசாரால் வாக்குமூலம் பதிவு செய்யப்படும், மேலும் ஏழு நாட்களுக்குள் மருத்துவ அறிக்கைகள் சமர்பிக்கப்பட வேண்டும்.


• பெண்கள் மற்றும் குழந்தைகளுக்கு எதிரான குற்றங்கள் குறித்த புதிய அத்தியாயம் அறிமுகம் செய்யப்பட்டுள்ளது, எந்த ஒரு குழந்தையை வாங்குவதும் விற்பதும் கொடூரமான குற்றமாக வகைப்படுத்தப்பட்டு, சிறுமியை கூட்டு பலாத்காரம் செய்தால் மரண தண்டனை அல்லது ஆயுள் தண்டனை விதிக்கப்படும் என தெரிவிக்கப்பட்டுள்ளது.


• இந்திய தண்டனைச் சட்டத்தில் உள்ள 511 பிரிவுகளின் எண்ணிக்கையை பாரதிய நியாய சன்ஹிதாவில் 358 ஆகக் குறைத்து, ஒன்றுடன் ஒன்று இணைக்கப்பட்ட பிரிவுகள் நெறிப்படுத்தப்பட்டுள்ளன. "பிரிவு 6 முதல் 52 வரை உள்ள வரையறைகள் ஒருங்கிணைக்கப்பட்டுள்ளன" என்று கூறப்படுகிறது.


• புதிய சட்டங்கள், விரைவான மற்றும் திறமையான போலீஸ் பதிலைச் செயல்படுத்தும் வகையில், அறிக்கைகளின் மின்னணுத் தொடர்புக்கான விதிகளையும் அறிமுகப்படுத்துகின்றன.


• ஜீரோ எஃப்ஐஆர் அறிமுகம் - தனிநபர்கள் எந்த காவல் நிலையத்திலும் எஃப்ஐஆர்களை பதிவு செய்யலாம்.  அதிகார வரம்பைப் பொருட்படுத்தாமல், சட்ட நடவடிக்கைகளில் தாமதங்களை நீக்குகிறது. இப்போது கைது செய்யப்பட்டவர்கள் தங்களது நிலைமையைப் பற்றி ஒரு நபருக்குத் தெரிவிக்க உரிமை வழங்கப்பட்டுள்ளது.


• தடயவியல் நிபுணர்கள் கடுமையான குற்றங்கள், வழக்குகளை வலுப்படுத்துதல் மற்றும் விசாரணைகளுக்காக குற்றச் சம்பவம் நடந்த இடங்களை பார்வையிடுவது கட்டாயப்படுத்தப்பட்டுள்ளது.


• சம்மன்களின் மின்னணுச் சேவையானது, சட்டப்பூர்வ செயல்முறைகளை விரைவுபடுத்துதல், காகிதப்பணிகளைக் குறைத்தல் மற்றும் தகவல் தொடர்புத் திறனை மேம்படுத்துதல் ஆகியவற்றை நோக்கமாகக் கொண்டுள்ளது.


• குற்றம் சாட்டப்பட்டவர்கள் மற்றும் பாதிக்கப்பட்டவர்கள் இருவரும் 14 நாட்களுக்குள் எப்ஐஆர்கள், போலீஸ் அறிக்கைகள், குற்றப்பத்திரிகைகள், அறிக்கைகள், வாக்குமூலங்கள் மற்றும் பிற ஆவணங்களின் நகல்களைப் பெற உரிமை உண்டு. தேவையற்ற காலதாமதங்களைத் தடுக்க அதிகபட்சம் இரண்டு ஒத்திவைப்புகளை நீதிமன்றங்கள் வழங்கலாம்.


• சாட்சிகளைப் பாதுகாக்கவும், சட்ட நடவடிக்கைகளின் நம்பகத்தன்மையை அதிகரிக்கவும், சாட்சிகளைப் பாதுகாக்கும் திட்டங்களைச் செயல்படுத்த மாநில அரசுகள் கட்டாயப்படுத்தப்பட்டுள்ளன.


• பெண்கள், 15 வயதிற்குட்பட்டவர்கள், 60 வயதுக்கு மேற்பட்டவர்கள் அல்லது குறைபாடுகள் உள்ளவர்கள் அல்லது கடுமையான நோய்கள் உள்ளவர்கள் காவல் நிலையங்களுக்குச் செல்வதில் இருந்து விலக்கு அளிக்கப்பட்டு, அவர்கள் வசிக்கும் இடத்தில் காவல்துறை உதவியைப் பெறலாம்.