மணிப்பூரில் பாதுகாப்புப் படையினருடன் நடந்த துப்பாக்கிச் சண்டையில் 11 குக்கி தீவிரவாதிகள் கொல்லப்பட்டதாக தகவல் வெளியாகியுள்ளது.
மணிப்பூரின் ஜிரிபாம் மாவட்டத்தில் இன்று பாதுகாப்புப் படையினருடன் நடந்த என்கவுன்டரில் குறைந்தது 11 குக்கி பயங்கரவாதிகள் சுட்டுக் கொல்லப்பட்டதாக தகவல் வெளியாகியுள்ளனர். அசாமின் எல்லையோர மாவட்டத்தில் குக்கி தீவிரவாதிகள் என சந்தேகிக்கப்படும் தீவிரவாதிகள் நடத்திய தாக்குதலில் மத்திய ரிசர்வ் போலீஸ் படை (சிஆர்பிஎஃப்) வீரர்கள் சிலரும் காயமடைந்ததாக தெரிகிறது.
ஜிரிபாமில் உள்ள ஒரு காவல் நிலையம் மீது குக்கி தீவிரவாதிகள் இரு தரப்பிலிருந்தும் தாக்குதல் நடத்தியதை தொடர்ந்து இந்த என்கவுன்டர் தொடங்கியுள்ள்ளது. மேலும் காவல் நிலையத்தின் அருகே உள்நாட்டில் இடம்பெயர்ந்த மக்களுக்கான நிவாரண முகாம் உள்ளது. அந்த முகாமையும் தாக்குதல் நடத்தியவர்கள் குறிவைத்து தாக்கியிருக்கலாம் என தகவல் வெளியாகியுள்ளன.
ஜிரிபாமின் போரோபெக்ராவில் உள்ள இந்த காவல் நிலையம் மட்டும் சமீபத்திய மாதங்களில் பல முறை தீவிரவாதிகளால் குறிவைக்கப்பட்டது குறிப்பிடத்தக்கது. காவல் நிலையத்தின் மீது தாக்குதல் நடத்திய தீவிரவாதிகள் தொடர்ந்து அங்கிருந்த குடியிருப்புகளுக்கும் தீ வைக்க தொடங்கினர். இதையடுத்தே பாதுகாப்புப்படை வீரர்கள் 11 தீவீரவாதிகளை சுட்டுக்கொன்றுள்ளனர்.