Potato Snack: உருளைக்கிழங்கில் மொறு மொறு ஸ்நாக் இப்படி செய்து அசத்துங்க!

Potato Snack: சுவையான உருளைக்கிழங்கு ஸ்நாக் ரெசிபி எப்படி செய்வது என்று பார்க்கலாம்.

உருளைக்கிழங்கு ஸ்நாக்

உருளைக்கிழங்கில் சமைக்கும் அனைத்து ரெசிபிகளையும் நாம் விரும்பி சாப்பிடுவோம். இப்போது உருளைக்கிழங்கை வைத்து குறைவான நேரத்தில் ஒரு மொறு மொறு மொறு ஸ்நாக் ரெசிபி எப்படி செய்வது என்று தான் பார்க்க போகின்றோம். இந்த ரெசிபி மாலை நேரத்தில் டீயுடன் சாப்பிட பெஸ்ட் ஸ்நாக் ரெசிபியாக இருக்கும். மேலும் குழந்தைகள் முதல் பெரியவர்கள் வரை இந்த ரெசிபியை விரும்பி சாப்பிடுவார்கள். வாங்க இந்த ரெசிபியை எப்படி செய்வது என்று பார்க்கலாம். 

Continues below advertisement

மூன்று மீடியம் சைஸ் உருளைக்கிழங்கை வேகவைத்து அதை நன்கு மசித்துக் கொள்ளவும். இதனுடன் சில்லி ஃப்ளேக்ஸ் ஒரு டேபிள் ஸ்பூன், சாட் மசாலா அரை டேபிள் ஸ்பூன், கொத்தமல்லித்தழை ஒரு கைப்பிடி அளவு நறுக்கியது, சுவைக்கேற்பவாறு உப்பு, மிளகுத்தூள் ஒரு டேபிள் ஸ்பூன், தனியா தூள் கால் கப், ஆகியவற்றை சேர்த்து நன்கு பிசைந்து விட்டு, வடை போல் தட்டி ஒரு தட்டில் வைத்துக் கொள்ளவும். 

பின் இரண்டு பிரட்டை எடுத்து தோசைக்கல்லில் சேர்த்து டோஸ்ட் செய்ய வேண்டும். இந்த பிரட் பொன்னிறமாக மாறும் அளவு டோஸ்ட் செய்து எடுத்து ஆற விடவும். பின் இந்த பிரட்டை துண்டுகளாக்கி மிக்ஸி ஜாரில் சேர்த்து கொரகொரப்பாக அரைத்து எடுத்துக் கொள்ளவும். இந்த துகளை ஒரு தட்டுக்கு மாற்றிக் கொள்ளவும். 

வேறொரு கிண்ணத்தில் இரண்டு ஸ்பூன் சோளமாவு சேர்த்து, தேவையான அளவு உப்பு சேர்த்து அரை டேபிள் ஸ்பூன் மிளகுத்தூள், கால் கப் தண்ணீர் சேர்த்து நன்கு கட்டியில்லாமல் கரைத்துக் கொள்ளவும். 

இப்போது நாம் தயாரித்த வடையை இதனுள் சேர்த்து எடுத்து பின் இதை பிரட் துகளில் புரட்டி எடுத்து எண்ணெயில் போட்டு பொரித்து எடுத்துக் கொள்ளவும். அவ்வளவு தான் சுவையான உருளைக்கிழங்கு ஸ்நாக்ஸ் தயார். இந்த ஸ்நாக் சாப்பிடுவதற்கு மொறு மொறுவென இருக்கும். 

மேலும் படிக்க