தோசை பிரியர்களாக இருந்தால் அவர்களுக்கு விதவிதமாக தோசை செய்து சாப்பிட நிச்சயம் பிடிக்கும். அந்த வகையில் வெள்ளரிக்காய் தோசை எப்படி செய்வது என்பதை காணலாம். நடிகர் பிரசாந்த் தனக்கு வெள்ளரிக்காய் தோசை மிகவும் பிடித்த உணவு என்று நேர்காணல் ஒன்றில் தெரிவித்திருந்தார்.
வெள்ளரிக்காய் தோசை
என்னென்ன தேவை?
தோசை மாவு - இரண்டு கப்
வெள்ளரிக்காய் - 2
பச்சை மிளகாய் - 2
தேங்காய் - அரை கப்
சீரகம் - ஒரு டீஸ்பூன்
செய்முறை:
வெள்ளரிக்காய் தோசை செய்வது எளிதானது. தோசை மாவு,வெள்ளரிக்காய் இருந்தால் போதுமானது. வெள்ளரிக்காயை தோல் நீக்கி நறுக்கி மிக்ஸி ஜாரில் சேர்க்கவும். இதோசு, துருவிய தேங்காய் அரை கப், சீரகம் ஒரு டீஸ்பூன், தேவையான அளவு உப்பு சேர்த்து நன்றாக அரைத்து எடுக்கவும்.
ஒரு பாத்திரத்தில் தோசை மாவு, அதோடு அரை வெள்ளரிக்காய் விழுது சேர்த்து நன்றாக கலக்கவும். இப்போது அடுப்பில் தோசைக் கல்லில் வைத்து சூடானதும், தோசை ஊற்றி எடுக்கவும். பொன்னிறமாகும் வரை வேகவைத்து எடுத்தால் வெள்ளரிக்காய் தோசை தயார்.
வெள்ளரிக்காய் அனைவரும் விரும்பி உண்ணும் ஒன்று. ஆரோக்கியமான ஒரு தினசரி ருட்டீனுக்கு நல்ல சாய்ஸ். ப்ரேக் நேரத்தில் ஏதாவது சாப்பிட வேண்டும் என்ற தோன்றினால் வெள்ளரிக்காய் சாலட் சாப்பிடலாம். எப்படி செயவது எனக் காணலாம்.
தேங்காய் சட்னி, வெங்காயம், நிலக்கடலை, கொத்தமல்லி சட்னி என இந்த தோசைக்கு தொட்டுக்க செய்து சாப்பிடலாம்.
வெள்ளரிக்காய் சாலட்
என்னென்ன தேவை?
வெள்ளரிக்காய் - 4
வெங்காயம் - 1
தக்காளி- 1
தயிர் / யோகர்ட் - 2 கப்
எலுமிச்சை சாறு - சிறிதளவு
கொத்தமல்லி இலை - ஒரு கைப்பிடி
செய்முறை:
வெள்ளரிக்காயை தோல் நிக்கி சுத்தம செய்யவும். இதை வட்ட வடிவில் நறுக்கி ஒரு பாத்திரத்தில் சேர்க்கவும். இதோடு பொடியாக நறுக்கிய வெங்காயம், தக்காளி இரண்டையும் சேர்க்கவும்.
இப்பொது கெட்டித்தயிர் அல்லது யோகர்ட்டை வெள்ளரிக்காயில் சேர்ந்தது நன்றாக கலக்கவும். இதற்கு தேவையான உப்பு, சிறிதளவு எலுமிச்சை சாறு சேர்த்து நன்றாக கிளறினால் வெள்ளரிக்காய் சாலட் தயார்.
வெள்ளரிக்காய் நன்மைகள்:
வெள்ளரிக்காய் சாப்பிடுவதால் எலும்புகள் வலுவடையும். இதில் வைட்டமின் கே அதிக அளவில் இருக்கிறது. எலும்பின் அடர்த்தி அதிகரிக்கும். சரும பராமரிப்பு, கூந்தல் ஆரோக்கியத்திற்கு மிகவும் நல்லது. தினமும் வெள்ளரிக்காய் சாப்பிடுவது பரிந்துரைக்கப்படுகிறது. வெள்ளரிக்காய் குறைந்த கலோரி கொண்ட உணவு என்பதால் உடை எடையை நிர்வகிக்க உதவும். இதில் வைட்டமின் ஏ, வைட்டமின் பி, வைட்டமின் சி, வைட்டமின் கே, மாங்கனீசு, காப்பர், காப்பர் மற்றும் பொட்டாசியம் போன்ற பல அத்தியாவசிய ஊட்டச்சத்துக்கள் நிறைந்துள்ளன.