பிப்ரவரி 14 அன்று காதலர் தினத்திற்குப் பிறகு, மக்கள் பிப்ரவரி 15 முதல் காதலர் எதிர்ப்பு வாரத்தைக் கொண்டாடுவது வழக்கம். கடந்த வேலன்டைன் வாரம் பல சிங்கிள்களுக்கு எரிச்சலூட்டும் வாரமாக இருந்திருக்கலாம், ஆனால் பல காதலர்கள், உணவகங்கள் மற்றும் பல இடங்களுக்கு தங்கள் இணையரை அழைத்து சென்று அன்பை பாசத்தை முழுவதுமாக வெளிப்படுத்துகின்ற வாரமாக இருந்தது. அதனை எப்படி காதலர்கள் ஒரு வாரம் காதல் ததும்ப ததும்ப கொண்டாடுகிறார்களோ அதே போல இதுவும் வன்மம் ததும்ப ததும்ப கொண்டாடப்படுகிறது. இதில் ஸ்லாப் டே, கிக் டே, பெர்ஃப்யூம் டே, ஃப்ளர்ட் டே, கன்ஃபெஷன் டே, மிஸ்ஸிங் டே மற்றும் பிரேக்அப் டே என்று ஏழு நாட்கள் உள்ளன.
ஒப்புதல் நாள்
எல்லோருமே காதலர் தினத்தை கொண்டாடுவதில்லை என்பதால் இந்த பிப்ரவரியை மற்றவர்களும் கொண்டாட உருவாக்கப் பட்டதுதான் சிங்கிள்கள் கொண்டாடும் காதலர் எதிர்ப்பு வாரம். அதாவது ஆன்டி வேலன்டைன்ஸ் டே. இந்த வரிசையில் ஐந்தாவது நாள்தான் இந்த ஒப்புதல் நாள் (confession day). இது பிப்ரவரி 19 அன்று அனுசரிக்கப்படுகிறது, மேலும் இது உங்கள் ஈர்ப்பைத் திறந்து அவர்கள் மீதான உங்கள் அன்பை ஒப்புக்கொள்வதற்கான நாளாக உள்ளது. உங்கள் முந்தைய தவறுகளைப் பற்றி பேசுவதும், எதிர்காலத்தில் அவற்றை மீண்டும் செய்ய மாட்டீர்கள் என்று ஒப்புதல் அளிக்கவும் இந்த நாள் முக்கியத்துவம் அளிக்கிறது.
ஒப்புதல் நாள் வரலாறு
யூத-கிறிஸ்தவ கலாச்சாரங்களில் தெய்வீக மன்னிப்பைப் பெறுவதற்காக, பொது அல்லது தனிப்பட்ட பாவங்களை ஒப்புக்கொள்வது முக்கியமானதாக நம்பப்பட்டது. பைபிளின் முதன்மையான நோக்கம், மக்கள் தங்கள் பாவங்களைப் புரிந்துகொண்டு, அவர்களின் குற்றங்களை ஏற்றுக்கொள்ள வைப்பதாகும். பிராயச்சித்த நாள் என இன்றைய நாளை, யூத மதத்தில் பிரார்த்தனை, உண்ணாவிரதம் மற்றும் ஒப்புதல் வாக்குமூலத்தின் நாளாக நினைவுகூரப்படுகிறது.
ஒப்புதல் தினத்தின் முக்கியத்துவம்
இந்த நாளில், தனிநபர்கள் யாரையாவது பற்றிய தங்கள் எண்ணங்களை வெளிப்படுத்த ஊக்குவிக்கப்படுகிறார்கள். தங்கள் வருத்தம், தவறுகள் அல்லது பிற மறைக்கப்பட்ட விஷயங்களை வெளிப்படுத்தலாம். ஒருவரிடம் நம்பிக்கை வைக்க இது ஒரு சிறந்த தருணம்; இதுவரை நீங்கள் மற்றவர்களிடமிருந்து ரகசியமாக வைத்திருக்கும் முந்தைய தவறுகளை நீங்கள் ஒப்புக் கொள்ளலாம்.
ஒப்புதல் அளிப்பதற்கான டிப்ஸ்:
- தெளிவாகவும் நேராகவும் பேசுங்கள். உங்கள் வாக்குமூலத்தை சிக்கலாக்கவோ அல்லது அதிகமாக சிந்திக்கவோ வேண்டாம். அதை சுருக்கமாக சொல்லுங்கள்.
- கேட்பவருக்கு சிறிது இடம் கொடுங்கள். உடனடி பதில் அல்லது மன்னிப்புக்காக அவர்கள் மீது அழுத்தம் கொடுக்காதீர்கள்.
- பதிலை ஒருபோதும் சாதாரணமாக எடுத்துக்கொள்ளாதீர்கள். ஒரு எதிர்வினை பற்றி எந்த அனுமானமும் செய்யாதீர்கள்.
- முதலில் உங்களுக்கு உண்மையாகவும் நேர்மையாகவும் இருங்கள். உங்கள் குற்ற உணர்வு அல்லது தவறுகளை பெரிதுபடுத்தாதீர்கள். உங்களுக்கு விசுவாசமாக இருங்கள்.