ட்விட்டர் தளத்தில் ஆனந்த் மஹிந்திரா அவ்வப்போது சில நல்ல வீடியோக்களை பகிர்ந்து தன்னுடைய கருத்தை பதிவு செய்வார். அந்த வீடியோக்கள் பலரையும் அதிகம் கவரும். அந்த வகையில் தற்போது அதே மாதிரியாக வீடியோ ஒன்றை அவர் மீண்டும் பகிர்ந்துள்ளார்.
அதன்படி அவர் பகிர்ந்துள்ள வீடியோவில், ஒருவர் அவ்வளவு சிறப்பாக தோசை சுடுகிறார். அத்துடன் அந்த தோசையை அவர் சிறப்பாக தனி தனியாக எடுத்து தட்டில் ஸ்டைலாக போடுகிறார். அவர் தோசை சுட்டு தரும் அழகை பார்த்தால் தோசை பிடிக்காதவர்கள் கூட தோசையை சாப்பிட தோன்றும் வகையில் அமைந்துள்ளது.
இந்த வீடியோவை தன்னுடைய ட்விட்டர் பக்கத்தில் ஆனந்த் மகேந்திரா பகிர்ந்து, “இவர் ஒரு ரோபோட் போல் தோசைகளை சுட்டு அடுக்குகிறார். இவர் செய்வதை பார்த்து நான் மிகவும் சோர்வு அடைந்துவிட்டேன். அத்துடன் அதிக பசியும் வந்துவிட்டது” எனக் கூறியுள்ளார். அவர் பகிர்ந்துள்ள வீடியோவை 2 மில்லியன் பேருக்கு மேல் பார்த்துள்ளனர். அத்துடன் 25 ஆயிரத்திற்கும் மேற்பட்டவர்கள் லைக் செய்துள்ளனர். அத்துடன் இந்த வீடியோ தொடர்பாக பலரும் தங்களுடைய கருத்துகளை பதிவிட்டு வருகின்றனர். குறிப்பாக சில இதை பார்க்கும் போதே பசி அதிகமாகிவிடுகிறது என்று பதிவிட்டு வருகின்றனர்.
மேலும் சிலர் இதுபோன்ற வீடியோக்களை நீங்கள் எங்கு இருந்து எடுக்கிறீர்கள் என்றும் ஆனந்த் மஹிந்திராவிடம் கேட்டு வருகின்றனர்.
மேலும் படிக்க:வாரே வா தோழி வயசான தோழி.. இங்கிலீஷில் அசத்தும் சாலையோர ஸ்வாக் பாட்டி..! (வைரலான வீடியோ)