மிருதுவான சப்பாத்தி என்றால் யாருக்குதான் பிடிக்காது. சிலர் தினமும் ஒரு வேளை சப்பாத்தி, ஃபுல்கா செய்து சாப்பிடும் பழக்கம் இருக்கலாம். அவர்களுக்கு பயனுள்ள வகையில் சப்பாத்தி நீண்ட நேரம் மிருதுவாக இருக்க சில டிப்ஸ்..
சப்பாத்தி சூடாகவும், ஸ்ஃப்டாகவும் இருக்க வேண்டும் என ஹாட் பாக்ஸில் வைக்கும்போது சில நேரங்களில் அப்படி இருக்காது. ஹாட் பாக்ஸில் வைத்தாலும் சப்பாத்தி மிருதுவாக இருக்க வேண்டும் என்றால் சிலவற்றை பின்பற்ற வேண்டும்.
சப்பாத்தி செய்து உடனே சாப்பிட கூடிய சூழல் இல்லையென்றால் டப்பா அல்லது ஹாட் பாக்ஸில் வைக்க வேண்டும் என்றால் அதற்கு சில வழிகள் இருக்கின்றன.
சப்பாத்தி சுட்டவுடன் அதை உடனே டப்பா/ ஹாட் பாக்ஸில் வைக்க வேண்டும். தனியே ஒரு தட்டில் வைத்து நன்றாக ஆறியதும் டப்பாவில் வைக்கவும். சுட சுட இருக்கும் சப்பாத்தியை ஹாட் பாக்ஸிலோ அல்லது மூடி வைக்கவோ கூடாது. சப்பாத்தியில் இருந்து நீராவியுடன் மூடி வைத்தால் சப்பாத்தி மிருதுவாக இருக்காது.
சப்பாத்தியின் அளவின் விட பெரிய டப்பா/ ஹாட் பாக்ஸ் ஆகியவற்றை தேர்வு செய்யவும். சப்பாத்தியின் அளவை விட அதிகமாக இருப்பதால் நீராவி வெளியேற உதவும்.
சப்பாத்தி ஸ்டோர் செய்யும்போது காட்டன் துணியை பாத்திரத்தில் வைத்து அதில் சப்பாத்தியை ஆறியதும் வைத்து துணியால் மூடிவிடவும்.
சப்பாத்தி வைக்கும் பாத்திரத்தில் சிறியளவில் தட்டு ஒன்றை வைக்கவும். அதன்மீது துணி வைத்து சப்பாத்தியை ஸ்டோர் செய்து, மீண்டும் துணியால் மூடி ஸ்டோர் செய்தால் சப்பாத்தி நல்ல மிருதுவாக இருக்கும்.
சப்பாத்தி மிருதுவாக இருக்க வேண்டும் ஆனால், அலுமினியம் ஃபாயில் அல்லது பட்டர் பேப்பர் உதவியுடன் ஸ்டோர் செய்வது நல்லது.