காஞ்சிபுரம் மாவட்ட இளைஞர் நீதிக்குழுமத்திற்கு ஒரு பெண் மற்றும் 2 சமூக நல உறுப்பினர்கள் மதிப்பூதிய அடிப்படையில் நியமிக்கப்படவுள்ளதாக அறிவிப்பு வெளியாகியுள்ளது. எனவே தகுதியுள்ளவர்கள் வருகின்ற நவம்பர் 27-ஆம் தேதிக்குள் விண்ணப்பித்துக்கொள்ளுமாறு தெரிவிக்கப்பட்டுள்ளது.


தமிழகத்தில் கடந்த 2015 ஆம் ஆண்டு குழந்தைகள் பராமரிப்பு மற்றும் பாதுகாப்பு சட்டம் மற்றும் அதன் விதிமுறைகளின் படி இளைஞர் நீதி குழுமம் செயல்பட்டுவருகிறது.  இதன் மூலம்  குழந்தைகள் தொடர்பான உடல் நலம் மற்றும் அவர்களின் கல்விக்குறித்து கண்காணிக்கப்பட்டுவருகிறது. இப்பணிகளில் சமூக நல அக்கறை கொண்டவர்கள் பணியாற்றி வரும் நிலையில், தற்போது காஞ்சிரம் மாவட்ட இளைஞர் நீதி குழுமத்திற்கு ஒரு பெண் மற்றும் 2 சமூக நல உறுப்பினர்கள் மதிப்பூதிய அடிப்படையில் நியமிக்கப்படவுள்ளனர். இந்நிலையில் இதற்கான தகுதி? விண்ணப்பிக்கும் முறை குறித்து இங்கே தெரிந்து கொள்வோம்.     



இளைஞர் நீதிக்குழும பணிக்கானத் தகுதிகள்:


கல்வித்தகுதி: குழந்தை உளவியல், மனநல மருத்துவம், சமூகவியல் அல்லது சட்டம் ஆகியவற்றில் ஏதேனும் ஒன்றில் பட்டம் பெற்றவர்களாக இருக்க வேண்டும்.


இதோடு குழந்தைகள் தொடர்பான உடல்நலம் அல்லது குழந்தைகளுக்கான நலப்பணிகளில் குறைந்தது 7 ஆண்டுகள் பணிபுரிந்தவர்களாக இருக்க வேண்டும். மேலும் ஒரு குழுமத்தில் அதிகபட்சமாக ஒரு நபர் இரு முறை மட்டுமே பதவி வகிக்க தகுதியுடையவர்களாக அறிவிக்கப்பட்டுள்ளது. மேலும் தொடர்ந்து இரண்டு ஆண்டுகள் பணிபுரிந்தவர்கள் இப்பணிக்கு விண்ணப்பிக்க முடியாது எனக் கூறப்பட்டுள்ளது.


வயது வரம்பு : இப்பணிகளுக்கு விண்ணப்பிக்கும் விண்ணப்பதாரர்கள் 35 வயதிற்கு மேற்பட்டவராகவும் 65 வயதிற்கு உட்பட்டவர்களாக இருக்க வேண்டும்.
விண்ணப்பிக்கும் முறை:


மேற்கண்ட தகுதியும், ஆர்வமும் உள்ள விண்ணப்பதாரர்கள் இப்பணிகளுக்கான விண்ணப்படிவத்தை மாவட்ட குழந்தைகள் பாதுகாப்பு அலகில் இருந்து பெற்றுக்கொள்ள வேண்டும். இதனையடுத்து கேட்கப்பட்டுள்ள அனைத்து விபரங்களையும் பூர்த்தி செய்து வருகின்ற நவம்பர் 27 ஆம் தேதிக்குள் அனுப்பி வைக்க வேண்டும்.


அனுப்ப வேண்டிய முகவரி


 மாவட்ட குழந்தைகள் பாதுகாப்பு அலுவலர்,


மாவட்ட குழந்தைகள் பாதுகாப்பு அலகு ,


எண் .KTS317 மணி தெரு, மாமல்லன் நகர் ,


காஞ்சிபுரம் மாவட்டம் , 631502,


தொலைபேசி எண்: 044 27234950.


தேர்வு முறை: இப்பணிகளுக்கு விண்ணப்பித்த நபர்களுக்கு  Shortlisting from Offline Application , Interview மூலமாகவே தேர்வு செய்யப்பட்டு பணியமர்த்தப்படுவார்கள் என அறிவிக்கப்பட்டுள்ளது.


எனவே மேற்கண்ட தகுதிக்கொண்ட இப்பணிக்கு உடனடியாக விண்ணப்பித்து பயன்பெற்றுக்கொள்ளுமாறும், பெண்களும் இப்பணிகளுக்கு ஆர்வத்துடன் விண்ணப்பிக்கலாம் என வேலைவாய்ப்பு அறிவிப்பில் தெரிவிக்கப்பட்டுள்ளது.


மேலும் இப்பணியிடங்கள் குறித்த கூடுதல் தகவல்களை https://cdn.s3waas.gov.in/s31543843a4723ed2ab08e18053ae6dc5b/uploads/2021/11/2021111260.pdf என்ற இணையதளப்பக்கத்தின் வாயிலாக அறிந்துக்கொள்ளலாம்.