யோகிபாபு யானையுடன் விளையாடும் வீடியோ தற்போது சமூக வலைதளங்களில் வைரலாகி வருகிறது.
தமிழ் சினிமாவில் முன்னணி காமெடியனாக வலம் வருபவர் யோகி பாபு. நீண்ட காலமாக வாய்ப்புக்காக போராடிய அவருக்கு அமீர் நடிப்பில் வெளியான 'யோகி' படத்தில் நடிக்க வாய்ப்பு கிடைத்தது. அதனைத் தொடர்ந்து பல படங்களில் நடித்த யோகிபாபு தனது திறமையால் கலகலப்பு, சூது கவ்வும், அட்டக்கத்தி உள்ளிட்ட படங்களில் நடித்தார். யோகி பாபுவின் காமெடிகள் மக்கள் மத்தியில் நல்ல வரவேற்பை பெற்ற நிலையில், முன்னணி நடிகர்களின் படங்களில் காமெடியனாக களம் காண ஆரம்பித்தார்.
அந்த வகையில் இவர் நடித்த சிவகார்த்திகேயனின் மான் கராத்தே, ரெமோ, ஐஸ்வர்யா ராஜேஷின் காக்கா முட்டை, அஜித்தின் வேதாளம், விஜய் சேதுபதியின் ஆண்டவன் கட்டளை, விஜயின் மெர்சல், நயன் தாராவின் கோலமாவு கோகிலா, விசுவாசம், பிகில் உள்ளிட்ட படங்கள் ரசிகர்கள் மத்தியில் பெரும் வரவேற்பை பெற்றன. பிஸியாக நடித்துக் கொண்டிருந்த யோகிபாபு ஒரு கட்டத்தில் தர்மபிரபு, மண்டேலா உள்ளிட்ட படங்களில் கதையின் நாயகனாகவும் களம் இறங்கினார். இதில் மண்டேலா திரைப்படம் மக்கள் மத்தியில் ஏகோபித்த வரவேற்பை பெற்றது. இந்தப்படத்திற்கு அண்மையில் சிறந்த அறிமுக இயக்குநர், மற்றும் வசனங்கள் ஆகிய இரண்டு பிரிவுகளில் தேசிய விருதுகள் அறிவிக்கப்பட்டன.
இறுதியாக இவரது நடிப்பில் பீஸ்ட், விஷாலின் வீரமே வாகை சூடும், தி லெஜண்ட், யானை, வீட்ல விசேஷம் உள்ளிட்ட படங்கள் வெளியாகின. கைவசமும் பல படங்கள் இருக்கின்றன. ஆன்மீகத்தில் அதிக நாட்டம் கொண்ட யோகிபாபு, கோயில் சாந்த பணிகளில் ஈடுவதும், பல்வேறு கோயில்களுக்கு சென்று தெய்வவழிபாடுகளில் ஈடுபடுவதையும் வழக்கமாக வைத்து இருக்கிறார். இது தொடர்பான புகைப்படங்களும் அவ்வப்போது சமூக வலைதளங்களில் வைரலாகும்.
அந்த வகையில் தற்போது அவரின் ஒடு வீடியோ சமூகவலைதளங்களில் வைரலாகி வருகிறது. அந்த வீடியோவில் யானை ஒன்றோடு விளையாடும் யோகிபாபு அதற்கு சலாம் வைக்க அந்த யானையும் சலாம் வைக்கிறது. இந்த வீடியோ தற்போது சமூக வலைதளங்களில் வைரலாகி வருகிறது.