நடிகர்கள் விஜய், அஜித் இருவரில் யாரை மிகவும் பிடிக்கும் என்பதற்கு நடிகை மேகா ஆகாஷ் பதில் அளித்துள்ள வீடியோ இணையத்தில் வைரலாகியுள்ளது.
தமிழில் கடந்த 2014 ஆம் ஆண்டு பாலாஜி தரணிதரன் இயக்கத்தில் உருவாகி 2020 ஆம் ஆண்டு வெளியான ஒரு பக்க கதை படத்தின் மூலம் நடிகை மேகா ஆகாஷ் அறிமுகமானார். ஆனால் அந்த படம் வெளியாவதற்குள் 2017 ஆம் ஆண்டில் லை, 2019 ஆம் ஆண்டில் தனுஷ் நடித்த எனை நோக்கி பாயும் தோட்டா, ரஜினி நடித்த பேட்ட, சுந்தர் சி இயக்கத்தில் சிம்பு நடித்த வந்தா ராஜாவா தான் வருவேன் படம் ஆகிய பல படங்கள் மேகா ஆகாஷ் நடிப்பில் வெளியாகியுள்ளது.
இதனைத் தொடர்ந்து அதர்வாவுடன் பூமராங் படத்தில் நடித்தார். தற்போது தமிழில் விஜய் சேதுபதியுடன் யாதும் ஊரே யாவரும் கேளிர் படத்தில் மேகா ஆகாஷ் நடித்து வருகிறார். இவர் விஜய்யுடன் ஜோஸ் ஆலுக்காஸ் விளம்பர படத்தில் அவரின் தங்கை கேரக்டரில் நடித்திருந்தார்.
இந்நிலையில் ஊடகம் ஒன்றிற்கு அளித்த மேகா ஆகாஷின் நேர்காணல் வீடியோ ஒன்று இணையத்தில் வைரலாகியுள்ளது. அதில் நேர்காணல் செய்பவர் விஜய், அஜித்தை குறிப்பிட்டு தலயா? தளபதியா? என கேட்கிறார். அதற்கு மேகா யாரை சொல்லலாம் என யோசிக்க, யோசிக்காமல் பதில் சொல்லுங்க என தொகுப்பாளர் தெரிவிக்கிறார்.
உடனே தளபதி தான் என மேகா கூற ஏன் என கேள்வி கேட்கப்படுகிறது. என்னன்னு கேட்டா, அவரோட டான்ஸ் பிடிக்கும் என சொல்கிறார். பின் தொகுப்பாளர் விளம்பரம் ஒன்றில் விஜய்யுடன் நடித்ததைப் பற்றி என்ன நினைக்கிறீர்கள். அதற்கு நான் ஒரே ஒரு சீன் தான் நடித்தேன். அவர் உண்மையில் மிகவும் அமைதியானவர். விஜய்யிடம் நான் ஒரு ஹாய், bye சொன்னேன் அவ்வளவு தான் என மேகா ஆகாஷ் கூறுகிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்