தமிழ் திரையுலகின் மூத்த நடிகரும், மக்கள் நீதிமய்யத்தின் தலைவருமானவர் கமல்ஹாசன். கமல்ஹாசன் நடிப்பில் இறுதியாக விஸ்வரூபம் படத்தின் 2ம் பாகம் வெளியானது. இதையடுத்து, கமல்ஹாசன் தனது முந்தைய மெகாஹிட் திரைப்படமான இந்தியன் திரைப்படத்தின் இரண்டாம் பாகத்தில் நடிக்க ஒப்பந்தமானார்.
முதல் பாகத்தை இயக்கிய இயக்குனர் ஷங்கர் இயக்கத்தில், இந்தியன் 2ம் பாகத்தின் படப்பிடிப்பும் நடைபெற்றது. பின்னர், கமல்ஹாசனின் சட்டசபை தேர்தல் பணிகள், அரசியல் பரப்புரைகள், படத்தயாரிப்பு தரப்பு சிக்கல் உள்ளிட்ட பல்வேறு காரணங்களால் படப்பிடிப்பு தடைபட்டுள்ளது.
இந்த நிலையில், கைதி, மாஸ்டர் படங்களை இயக்கிய லோகேஷ் கனகராஜ் இயக்கத்தில் நடிப்பதற்கு கமல்ஹாசன் ஒப்பந்தமானார். இந்த படத்திற்கு விக்ரம் என்று பெயரிடப்பட்டுள்ளது. படப்பிடிப்பு கடந்த சில தினங்களுக்கு முன்பு தொடங்கப்பட்டு, அதற்கான வீடியோக்களும் சமூக வலைதளங்களில் வெளியிடப்பட்டது.
கமல்ஹாசன் நாயகனாக நடிக்கும் இந்த திரைப்படத்தில் நடிகர்கள் விஜய்சேதுபதி, பஹத்பாசில் ஆகியோரும் இணைந்துள்ளனர். முழுக்க முழுக்க லோகேஷ் கனகராஜின் படமாகவே உருவாகிவருவதாலும், கமல்ஹாசன் சுமார் 3 ஆண்டுகளுக்கு பிறகு மீண்டும் நடிப்பதாலும் இந்த படத்தின் மீது மிகுந்த எதிர்பார்ப்பு உருவாகியுள்ளது.
தற்போது இந்த படத்திற்கான புதிய அப்டேட் வெளியாகியுள்ளது. விக்ரம் படத்திற்கான அடுத்தகட்ட படப்பிடிப்பு காரைக்குடியில் நடைபெற உள்ளது. 20 நாட்கள் காரைக்குடியில் நடைபெற உள்ள இந்த படத்திற்கான படப்பிடிப்பில் நடிகர் கமல்ஹாசன் பங்கேற்க உள்ளார். செப்டம்பர் 2-ந் தேதி வரை நடைபெற உள்ள இந்த படத்தின் படப்பிடிப்பில் நடிகர் கமல்ஹாசனுடன் நடிகர் விஜய் சேதுபதியும் பங்கேற்க உள்ளார்.
காரைக்குடியில் நடைபெற உள்ள இந்த படத்தின் படப்பிடிப்பில் நடிகர் விஜய்சேதுபதி, கமல்ஹாசன் இடம்பெறும் முக்கிய காட்சிகளை படமாக்க படக்குழுவினர் திட்டமிட்டுள்ளனர்.
முன்னதாக,
லோகேஷ் கனகராஜ் இயக்கத்தில் நடிகர் கமல்ஹாசன் நடிக்கும் ‘விக்ரம்’ திரைப்படத்தின் ஃபர்ஸ்ட்லுக் கடந்த மாதம் 10 ஆம் தேதி வெளியானது. இதற்கான அறிவிப்பை லோகேஷ் கனகராஜ் தனது ட்விட்டர் பக்கத்தில் வெளியிட்டார். இந்தத் திரைப்படத்தில் கமல்ஹாசனுடன் நடிகர்கள் ஃபகத் பாசில் , விஜய் சேதுபதி ஆகியோரும் இணைந்து நடிக்கின்றனர்.
இத்திரைப்படத்தின் ஃபர்ஸ்ட் லுக் போஸ்டர் டிரெண்டானதை தொடர்ந்து, விக்ரம் படத்தின் படப்பிடிப்பு கடந்த 16ஆம் தேதி தொடங்கி, முதல் நாள் படப்பிடிப்பில் எடுக்கப்பட்ட புகைப்படங்கள் வெளியானது. கொரோனா காரணமாக தாமதமான படப்பிடிப்பு, அன்று முதல் தொடங்கியது. படத்தில் நடிகர் விஜய் சேதுபதி, கமல்ஹாசன் நடித்து வரும் நிலையில், ஃபாகத் ஃபாசில் தற்போது படக்குழுவினருடன் இணைந்துள்ளார். விஜய் சேதுபதியுடன், கமல்ஹாசன் சேர்ந்து எடுத்துக் கொண்ட புகைப்படமும் வெளியாகி வைரலானது. ‘விக்ரம்’ திரைப்படத்தில் நடிகர் ஜெயராமனின் மகனும், நடிகருமான காளிதாஸ் இணைந்துள்ளார் என்பது குறிப்பிடத்தக்கது