Just In
Varisu Update: 30 வருட சினிமா சாம்ராஜ்யம்.. இன்று வருகிறது வாரிசின் அடுத்த அப்டேட்.. அதிகாரப்பூர்வ அறிவிப்பு!
வாரிசு படத்தின் அடுத்த அப்டேட் இன்று வெளியாக இருப்பதாக அறிவிக்கப்பட்டுள்ளது.
நடிகர் விஜய் நடிப்பில் இயக்குநர் வம்சி பைடிபள்ளி இயக்கத்தில் வாரிசு படம் உருவாகி வருகிறது. இப்படத்தில் நடிகை ராஷ்மிகா மந்தனா ஹீரோயினாக நடித்துள்ளார். அதுமட்டுமல்லாமல் பிரகாஷ்ராஜ், சரத்குமார், பிரபு, ஷாம்,சங்கீதா, ஜெயசுதா, உள்ளிட்ட மிகப்பெரிய நட்சத்திர பட்டாளமே இப்படத்தில் இணைந்துள்ளது. வாரிசு படத்தை ஸ்ரீ வெங்கடேஸ்வரா கிரியேஷன்ஸ் சார்பில் பிரபல தெலுங்கு தயாரிப்பாளர் தில் ராஜூ தயாரித்துள்ளார். தமன் இப்படத்திற்கு இசையமைத்துள்ளார்.
பொங்கலுக்கு இப்படம் வெளியாகும் என கூறப்பட்டுள்ள நிலையில் முன்னதாக கடந்த நவம்பர் 5 ஆம் தேதி படத்தின் முதல் பாடலாக ரஞ்சிதமே வெளியானது. விஜய் பாடியிருந்த இப்பாடல் ரசிகர்களிடம் பெரும் வரவேற்பை பெற்ற நிலையில் வாரிசு படத்தின் தமிழக திரையரங்கு வெளியீட்டு உரிமையை செவன் ஸ்கிரீன் ஸ்டூடியோஸ் நிறுவனம் கைப்பற்றியுள்ளது. மேலும் தெலுங்கு ரிலீஸில் எழுந்த பிரச்சினையும் தீர்க்கப்பட்டுள்ளது.
இதனால் வாரிசு படம் சொன்னபடி பொங்கலன்று தமிழ் மற்றும் தெலுங்கு மொழிகளில் வெளியாவது உறுதியாகி உள்ளது. அதனை மேலும் உறுதிப்படுத்தும் வகையில் சத்யம் தியேட்டரில் அண்மையில் வாரிசு படத்தின் மிகப்பெரிய பேனர் வைக்கப்பட்டது.
இந்த நிலையில் வாரிசு படத்தின் தயாரிப்புகுழு தரப்பில் இருந்து அதிகாரப்பூர்வ அறிவிப்பு ஒன்று வெளியிடப்பட்டுள்ளது. அந்த அறிவிப்பில், “ 30 வருட விஜயின் சினிமா வாழ்கையை கொண்டாடும் நேரமிது.. வாரிசு அப்டேட் இன்று மாலை 6.30 மணிக்கு வெளியாகும்” என குறிப்பிடப்பட்டுள்ளது. இந்த அறிவிப்பை விஜய் ரசிகர்கள் சமூக வலைதளங்களில் கொண்டாடி வருகின்றனர். பெரும் பாலும் இந்த அறிவிப்பு அடுத்தப்பாடலுக்கான அப்டேட்டாக இருக்கும் என சொல்லப்படுகிறது.