விஜய் டிவியில் ஒளிபரப்பாகும் சீரியல்களுக்கு சின்னத்திரை ரசிகர்கள் மத்தியில் நல்ல வரவேற்பு உண்டு. மாலை முதல் இரவு வரை ஏராளமான சீரியல்கள் ஒளிபரப்பாகி வருகிறன்றன. அது மட்டுமின்றி மதியத்திலும் ஒரு சில தொடர்கள் ஒளிபரப்பாகி வருகின்றன. அதில் ரசிகர்களின் வரவேற்பு பெற்ற ஒரு தொடர் 'முத்தழகு'.
வரவேற்பை பெற்ற முத்தழகு சீரியல் :
கிராமத்து கதைக்களத்துடன் ஒளிபரப்பாகி வரும் முத்தழகு சீரியல் ஒரு தைரியமான பெண்ணை மையப்படுத்தி எடுக்கப்பட்டுள்ளது. விருப்பமில்லாமல் திருமணம் நடைபெற்று அதற்கு பின்னர் நடக்கும் நிகழ்வுகளே இந்த சீரியல். இந்த சீரியலின் ஹீரோ ஹீரோயின் இருவருமே புது முகங்கள். முத்தழகாக ஷோபனா மட்டும் பூமிநாதனாக ஆஷிஷ் சக்கரவர்த்தி நடித்துள்ளனர்.
முத்தழகு தொடரில் ஹீரோ பூமிநாதன் என்ற கதாபாத்திரத்தில் நடித்து வருகிறார் ஆஷிஷ் சக்கரவர்த்தி. மிகவும் ஸ்மார்ட்டாக இருக்கும் இந்த நடிகருக்கு ஏராளமான ரசிகர்கள் உள்ளனர். சோசியல் மீடியாவில் மிகவும் ஆக்டிவாக இருக்கும் ஆஷிஷ் சக்கரவர்த்தி அவ்வப்போது புகைப்படம் மற்றும் வீடியோ போஸ்ட் செய்வது வழக்கம். அந்த வகையில் தற்போது அவர் பதிவிட்ட ஒரு போஸ்ட் ஒன்று சின்னத்திரை ரசிகர்கள் மத்தியில் கவலையை உண்டாகியுள்ளது.
ஹீரோவுக்கு ஏற்பட்ட விபத்து :
நேற்று ஆஷிஷ் சக்கரவர்த்தி பயணம் செய்த அரசு பேருந்து விபத்துக்குள்ளாகியுள்ளது. அந்த பேருந்தில் பயணம் செய்த பயணிகள் அனைவரும் லேசான காயங்களுடன் உயிர் தப்பியுள்ளார். இது குறித்து அவர் பகிர்ந்துள்ள தகவலில் கடவுளின் அருளால் சிறு காயங்களுடன் தப்பித்து விட்டோம் என கூறி காயங்களின் புகைப்படங்களையும் பகிர்ந்துள்ளார் ஆஷிஷ் சக்கரவர்த்தி. இதற்கு ரசிகர்கள் பலரும் விரைவில் ஆறுதலை தெரிவித்து விரைவில் குணமடைந்து இயல்பு நிலைக்கு திரும்ப வேண்டும் என ஆறுதல்களை தெரிவித்து வருகிறார்கள்.