தமிழ் நடிகர்களில் மிகவும் பிஸியான ஒரு நடிகர் விஜய் சேதுபதி. ஹீரோக்களுக்கென இருக்கும் குணதிசயங்களை தகர்த்தியவர். தனக்கென ஒரு தனி பாணியை கையாளும் வித்தைக்காரர் விஜய் சேதுபதி.
எந்த ரோல் என்றாலும் மாஸ் கட்டும் ஹீரோ :
மாஸ்டர், விக்ரம் உள்ளிட்ட திரைப்படங்களில் வில்லனாக தனது புதிய பரிமாணத்தை மக்களுக்கு காட்டியவர். சில படங்களில் துணை நடிகராகவும் அவர் நடிக்க தயங்குவதில்லை. தமிழ், தெலுங்கு, மலையாளம் உள்ளிட்ட படங்களில் ஏற்கனவே நடித்துவரும் விஜய் சேதுபதி விரைவில் பாலிவுட்டிலும் களம் இறங்க உள்ளார்.
ஷாருக் உடன் இணையும் விஜய் சேதுபதி :
ஷாருக்கான் நடிப்பில் "ஜவான்" திரைப்படத்திலும் அல்லு அர்ஜுன் நடிக்க விருக்கும் "புஷ்பா தி ரூல்" திரைப்படத்திலும் விஜய் சேதுபதி வில்லன் கதாபாத்திரத்தில் நடிக்கவுள்ளார் என தகவல்கள் வெளியாகியுள்ளன. அந்த வகையில் இயக்குனர் அட்லீ இயக்கத்தில் நயன்தாரா மற்றும் யோகிபாபு முக்கிய கதாபத்திரத்தில் நடிக்கும் " ஜவான்" திரைபடத்தில் பாலிவுட் பாட்ஷா ஷாருக்கான் உடன் திரையை பகிர உள்ளதை உறுதிப்படுத்தியுள்ளார் விஜய் சேதுபதி.
உறுதிப்படுத்திய விஜய் சேதுபதி:
விஜய் சேதுபதி இந்த செய்தியை சமீபத்தில் ஒரு தொலைக்காட்சி சேனலில் நடைபெற்ற பேட்டியின் போது உறுதிப்படுத்தியுள்ளார். அந்த பேட்டியின் போது இயக்குனர் விக்னேஷ் சிவன் மற்றும் இசையமைப்பாளர் அனிருத்தும் உடன் இருந்தனர். இந்த வீடியோ தற்போது சமூக வலைத்தளங்களில் வைரலாகி வருகிறது. இந்த பேட்டியின் போது அனிருத், விஜய் சேதுபதியிடம் ஒரு கேள்வி கேட்கிறார். ஷாருக்கான் நடிக்கும் "ஜவான்" திரைப்படத்தில் நாங்கள் விஜய் சேதுபதியை எதிர்பார்க்கலாமா என்று கேட்டார். அதற்கு விஜய் சேதுபதி "நிச்சயமாக" என்று பதில் அளித்துள்ளார். அந்த வீடியோ இதோ உங்களுக்காக இங்கே.