தமிழ் சினிமாவில் முக்கியமான நடிகராக வலம் வருபவர் நடிகர் விஜய். தளபதி என கொண்டாடப்படும் நடிகர் விஜய் தற்போது பீஸ்ட் படத்தில் நடித்து முடித்துள்ளார். பீஸ்ட் படத்தை நெல்சன் இயக்க சன் பிக்சர்ஸ் நிறுவனம் படத்தை தயாரிக்கிறது. படத்தின் போஸ்டர்கள் அவ்வபோது வெளியாகி இணையத்தை கலக்கி வருகின்றன. பொங்கல் பண்டிகையை முன்னிட்டு படத்தின் அடுத்த அப்டேட் வெளியாகும் என கூறப்படும் நிலையில் தற்போது விஜயின் முந்தைய படங்கள் வெளியீட்டு தேதி குறித்த சுவாரஸ்ய தகவல்கள் இணையத்தில் வைரலாகி வருகிறது.
விஜய் நடிப்பில் 2007 ஆம் ஆண்டு வெளியான போக்கிரி, 2009 ஆம் ஆண்டு வெளியான வில்லு 2012 ஆம் ஆண்டு வெளியான நண்பன், 2017 ஆம் ஆண்டு வெளியான பைரவா ஆகிய திரைப்படங்கள் இன்றைய தேதியில் அதாவது ஜனவரி 12 ஆம் தேதி வெளியாகியிருக்கிறது. கோ-இன்சிடண்டாக அமைந்த இந்த படங்களில் ரிலீஸ் தேதியை குறிப்பிட்டு ரசிகர்கள் #15YearsOfPokkiri , #13YearsOfVillu , #10YearsOfNanban , #5YearsOfBairavaa என்ற ஹேஷ்டேக் மூலம் இணையத்தை கலக்கி வருகின்றனர்.
விஜய் பீஸ்ட் படத்தை தொடர்ந்து தமிழில் கார்த்தி நடிப்பில் வெளியான ‘தோழா’ படத்தை இயக்கிய வம்சி படத்தில் நடிக்க இருக்கிறார். இந்தப் படத்தை முடித்த கையோடு, விஜய் லோகேஷ் கனகராஜ் இயக்கத்தில் நடிக்க இருப்பதாக சொல்லப்படுகிறது. இதற்கடுத்தபடியாக, விஜய் அட்லி படத்தில் இணைய இருப்பதாக தகவல் வெளியாகியுள்ளது. சமீபத்தில் விஜய் மற்றும் யுவன் சங்கர் ராஜா இணைந்து எடுத்துக்கொண்ட புகைப்படம் ஒன்றும் வைரலானது. மீண்டும் விஜயுடன் இணைய இருக்கிறாரா யுவன் அல்லது பீஸ்ட் படத்தில் பாடியிருக்கிறாரா உள்ளிட்ட கேள்விகளை ரசிகர்கள் மத்தியில் எழுந்தது. ஒரு முறை இன்ஸ்டாகிராமில் ரசிகர் ஒருவர், விஜய்க்கு எப்போது இசைமைப்பீர்கள் என யுவனிடம் கேட்டார். அந்தக் கேள்விக்கு பதிலளித்த யுவன் ஷங்கர் ராஜா தான் எப்போதும் விஜயுடன் பணியாற்ற தயாராக இருப்பதாக கூறியிருந்தார். இந்த நிலையில் விஜய் ரசிகர்கள் பீஸ்ட் அப்டேட்டை எதிர்பார்த்து ட்விட்டரில் முற்றுகையிட்டுள்ளனர்.