Just In
Watch Video: அப்பாவையே மிஞ்சும் மகள்... வெறித்தனமாக நடனமாடும் விஜய் மகளின் த்ரோ பேக் வீடியோ!
நடிகர் விஜயின் மகள் திவ்யா சாஷா ஒரு ஃபங்ஷனில் டான்ஸ் ஆடும் பழைய வீடியோ ஒன்று சோஷியல் மீடியாவில் தற்போது வைரலாகி வருகிறது.
தமிழ் சினிமாவின் நம்பிக்கை நட்சத்திரமாக விளங்கும் நடிகர் விஜய் தற்போது லோகேஷ் கனகராஜ் இயக்கத்தில் 'லியோ' திரைப்படத்தில் நடித்து வருகிறார். ஒரு பிரேக்குக்காக வெளிநாடு சென்றுள்ள விஜய் விரைவில் சென்னை திரும்புவார் என எதிர்பார்க்கப்படுகிறது. இப்படத்தை தொடர்ந்து அடுத்தாக வெங்கட் பிரபு இயக்கும் தளபதி 68 படத்தில் நடிக்க உள்ளார். ஏஜிஎஸ் எண்டர்டெயின்மெண்ட் நிறுவனம் தயாரிப்பில் யுவன் ஷங்கர் ராஜா இசையமைக்கும் இப்படத்தின் பணிகள் ஏற்கனவே தொடங்கப்பட்டு மும்மரமாக நடைபெற்று வருகிறது.
இசை வெளியீட்டு விழா எப்போ ?
லியோ படத்தின் இசை வெளியீட்டு விழா செப்டம்பர் மாதம் 30-ஆம் தேதி மதுரையில் நடைபெற உள்ளது என கூறப்படுகிறது. ஆனால் இது குறித்த அதிகாரப்பூர்வமான தகவல் இதுவரையில் வெளியிடப்படவில்லை. இருப்பினும் இந்த விழாவில் கலந்து கொள்வதற்காக விஜய் சென்னை திரும்பி விடுவார் என எதிர்பார்க்கப்படுகிறது.
குட்டி ஸ்டோரி :
வழக்கமாக ஒவ்வொரு படத்தின் இசை வெளியீட்டு விழாவிலும் ஏதாவது குட்டி ஸ்டோரி சொல்லும் விஜய் 'லியோ' படத்தின் இசை வெளியீட்டு விழாவில் என்ன கதை சொல்ல போகிறார் என ஆர்வமாக இருக்கிறார்கள் ரசிகர்கள். லியோ திரைப்படம் வரும் அக்டோபர் 19-ஆம் தேதி திரையரங்குகளில் வெளியாக உள்ளது. அனிருத் இசையில் இப்படத்தில் பர்ஸ்ட் சிங்கிள் பாடலான "நா ரெடி" பாடல் வெளியாகி ட்ரெண்டிங்கில் இருந்து வருகிறது. உலகெங்கிலும் உள்ள விஜய் ரசிகர்கள் இந்த பாடலுக்கு ரீல்ஸ் செய்து வைரலாக்கினர்.
இயக்குநராகும் மகன் :
நடிகர் விஜய் மகன் சஞ்சய் ஜேசன் திரைப்படம் இயக்குவதில் கவனம் செலுத்தி வருகிறார். அவர் இயக்கிய ஷார்ட் பிலிம் பற்றிய தகவல் ஒன்று சமீபத்தில் வெளியாகி வைரலானது. ஆனால் அவரின் மகள் திவ்யா சாஷா பற்றி பெரிய அளவில் தகவல்கள் எதுவும் வெளியானதில்லை.
விஜய் மகளின் பழைய வீடியோ :
2016ம் ஆண்டு விஜய், சமந்தா,எமி ஜாக்சன், ராதிகா, நைனிகா நடிப்பில் வெளியான சூப்பர் ஹிட் வெற்றி பெற்ற 'தெறி' திரைப்படத்தில் கிளைமாக்ஸ் காட்சியில் கெஸ்ட் ரோலில் நடித்திருந்தார் திவ்யா சாஷா. அவரின் வெறித்தனமாக டான்ஸ் ஆடும் பழைய வீடியோ ஒன்று சோசியல் மீடியாவில் வைரலாகி வருகிறது. அந்த வீடியோவில் விஜய் குடும்பத்துடன் ஒரு குடும்ப பங்ஷனில் கலந்து கொண்டுள்ளார். அந்த சமயத்தில் திவ்யா சாஷா டான்ஸ் ஆடுவதை விஜய் ரசித்து பார்த்து கொண்டு இருக்கிறார். இந்த வீடியோவுக்கு விஜய் ரசிகர்கள் லைக்ஸ்களை குவித்து கமெண்ட் மூலம் வாழ்த்துக்களை தெரிவித்து வருகிறார்கள்.