நடிகரும், தமிழக வெற்றிக் கழக தலைவருமான விஜய் இன்று தனது 50வது பிறந்தநாளை கொண்டாடுகிறார். அவருக்கு அரசியல் தலைவர்கள், திரையுலக பிரபலங்கள் வாழ்த்து தெரிவித்து வருகிறார்கள்.
எதிர்க்கட்சி தலைவர் எடப்பாடி பழனிசாமி
தமிழ்த் திரையுலகத்தின் முன்னணி நடிகரும், தமிழக வெற்றிக் கழகத்தின் தலைவருமான அன்புச் சகோதரர் திரு விஜய்அவர்களுக்கு எனது இதயங்கனிந்த பிறந்தநாள் நல்வாழ்த்துகள். பொதுவாழ்வில் இணைந்துள்ள திரு. விஜய் அவர்கள், பூரண நலனுடன் பல்லாண்டு மக்கள் சேவை புரிய வாழ்த்துகிறேன்.
டிடிவி தினகரன், அமமுக பொதுச்செயலாளர்
தமிழ்த் திரையுலக முன்னணி நடிகரும் தமிழக வெற்றிக் கழகத்தின் தலைவருமான தளபதி திரு. விஜய் அவர்களுக்கு எனது மனமார்ந்த பிறந்தநாள் நல்வாழ்த்துக்களை தெரிவித்துக் கொள்கிறேன். மக்களுக்கு சேவையாற்றும் நோக்கில் பொதுவாழ்க்கையில் அடியெடுத்து வைத்திருக்கும் திரு.விஜய் அவர்கள் பூரண உடல் நலத்துடனும் நீண்ட ஆயுளுடனும் தொடர்ந்து மக்கள் பணியாற்ற எல்லாம் வல்ல இறைவனை பிரார்த்திக்கிறேன்.
இயக்குநர் வெங்கட்பிரபு
இனிய பிறந்தநாள் வாழ்த்துகள் விஜய் அண்ணா. லவ் யூ. அனைத்து அன்புக்கும் நன்றி!! வேடிக்கை!! சிரிப்பு!! நினைவுகள்!! நம்பிக்கை!! கடந்த ஒரு வருடத்திற்கான நிகழ்வுகளுக்காக நன்றி சொல்ல முடியாது!!! என்ன மாதிரியான பயணம்!!! மீண்டும் ஒருமுறை பிறந்தநாள் வாழ்த்துக்கள்.
தயாரிப்பாளர் அர்ச்சனா கல்பாத்தி
மிகச்சிறந்த மனிதர்களில் ஒருவரான விஜய்க்கு இனிய பிறந்தநாள் வாழ்த்துகளை தெரிவித்துக் கொள்கிறேன். கடந்த ஆண்டு மேஜிக்கல் ஆக அமைந்தது. வாய்ப்பு அளித்ததற்கும், கோட் படத்தின் மறக்க முடியாத நினைவுகளுக்கும் நன்றியை தெரிவித்துக் கொள்கிறேன்.
ம.நீ.ம. தலைவர் கமல்ஹாசன்
அன்புத் தம்பியும், தமிழக வெற்றிக் கழகத்தின் தலைவருமான விஜய் அவர்களுக்கு இனிய பிறந்தநாள் வாழ்த்துகளைத் தெரிவித்துக் கொள்கிறேன்.