Connect Movie : கனெக்ட் படக்குழுவினருக்கு வாழ்த்து... தமிழ் சினிமாவில் ரீ என்ட்ரி கொடுத்துள்ள அனுபம் கெர்
தென்னிந்திய சினிமாவின் லேடி சூப்பர் என்று அழைக்கப்படும் முன்னணி நடிகை நயன்தாரா மிகவும் பிரபலமானவர். அது மட்டுமின்றி வணீக ரீதியாகவும் முன்னணியில் இருக்கும் ஒரு கதாநாயகி. மிகவும் பிஸியான நயன்தாரா கைவசம் ஏராளமான படங்களில் நடித்து வருகிறார் அதில் இன்று அஸ்வின் சரவணன் இயக்கத்தில் உருவாகியுள்ள திரைப்படம் "கனெக்ட்". இப்படத்தின் ஸ்பெஷல் காட்சியை தனது கணவர் விக்னேஷ் சிவன் மற்றும் படக்குழுவினருடன் பார்த்துள்ளார் நயன்தாரா. படத்தின் தயாரிப்பாளரான விக்னேஷ் சிவன் தனது ட்விட்டர் பக்கத்தில் "கனெக்ட்" படத்தை ஒரு சிறந்த படமாக வழங்கியதற்கு படக்குழுவினருக்கு தனது வாழ்த்துக்களை தெரிவித்தார்.
சிறப்பு காட்சியை திரையிட்ட படக்குழுவினர்:
செப்டம்பர் 8ம் தேதி, தனது தயாரிப்பில் உருவாகியுள்ள "கனெக்ட்" படத்தின் சிறப்பு காட்சியை பார்த்து அவர்களை வாழ்த்தியதுடன் படத்தின் லீட் ரோலில் நடிக்கும் நயன்தாராவை புகழ்ந்த விக்னேஷ் சிவன் அவருடன் சேர்த்து மற்ற படக்குழுவினருடன் சேர்ந்து ஒரு புகைப்படமும் எடுத்து கொண்டார். அதை தனது ட்விட்டர் பக்கத்தில் பகிர்ந்துள்ளார் விக்னேஷ் சிவன். மேலும் இப்படத்தில் சத்யராஜ், அனுபம் கெர் மற்றும் பலர் முக்கிய கதாபாத்திரத்தில் நடித்துள்ளனர்.
ரீ என்ட்ரி கொடுக்கும் அனுபம் கெர்:
பாலிவுட் நடிகரான அனுபம் கெர் தமிழ் சினிமாவில் ஒரு நீண்ட இடைவேளைக்கு பிறகு தற்போது இப்படத்தில் நடித்துள்ளார். இதற்கு முன்னர் 2007-ஆம் ஆண்டு வெளியான குற்றப்பத்திரிகை படத்தில் ராஜிவ் காந்தி என்ற கதாபாத்திரத்தில் நடித்திருந்தார். மேலும் விக்னேஷ் சிவனின் ரவுடி பிக்சர்ஸ் நிறுவனம் தயாரித்த அப்படத்தில் சத்யராஜும் ஒரு முக்கியமான கதாபாத்திரத்தில் நடித்திருந்தார்.
விரைவில் அறிவிப்பு வெளியாகும்:
"கனெக்ட்" திரைப்படத்திற்கு பிருத்வி சந்திரசேகர் இசையமைத்துள்ளார். மேலும் ஒளிப்பதிவாளராக மணிகண்டன் கிருஷ்ணமாச்சாரி மற்றும் ரிச்சர்ட் கெவின் எடிட்டராகவும் பணியாற்றியுள்ளனர். இப்படம் விரைவில் திரையரங்குகளில் வெளியாகும் என எதிர்பார்க்கப்படுகிறது. இதன் அதிகாரப்பூர்வமான தகவல் விரைவில் வெளியிடப்படும் என கூறப்படுகிறது.