விக்னேஷ் சிவன் இயக்கத்தில் பிரதீப் ரங்காநாதன்
போடா போடி படத்தின் மூலம் இயக்குநராக அறிமுகமானவர் விக்னேஷ் சிவன் . முதல் படம் கமர்ஷியல் வெற்றி பெறவில்லை என்றாலும் ரசிகர்களிடம் தனது தனித்துவமான கதைசொல்லல் முறையின் வழி கவனமீர்த்தார். இதனைத் தொடர்ந்து விஜய் சேதுபதி நயன்தாரா நடித்த நானும் ரெளடிதான் படம் மிகப்பெரிய கமர்ஷியல் வெற்றிப்படமாக அமைந்தது. இப்படத்தின் போது நடிகை நயன்தாரா விக்கி இடையில் காதல் உறவு ஏற்பட்டது. இந்த காதல் திருமணம் வரை சென்று தற்போது இந்த தம்பதிக்கு உயிர் உலகு என இரு ஆண் குழந்தைகள் உள்ளார்கள்
கை நழுவிப் போன அஜித் படம்
விக்னேஷ் சிவன் இயக்கிய காத்து வாக்குலா ரெண்டு காதல் படம் விமர்சன ரீதியாக பல கேள்விகளை எதிர்கொண்டாலும் வசூல் ரீதியாக வெற்றிபெற்றது. இப்படத்தைத் தொடர்ந்து அஜித்தின் 62 ஆவது படத்தை அவர் இயக்கவிருப்பதாக தகவல்கள் வெளியாகின. ஆனால் ஒரு சில கருத்து வேறுபாடுகளால் இந்த படம் விக்கி கை நழுவிப் போனது. கோலிவுட்டின் சென்சேஷனல் இயக்குநராக வலம் வந்த பிரதீப் ரங்கநாதனை நாயகனக வைத்து தனது அடுத்த படத்தை தொடங்கினார் விக்கி. க்ரித்தி ஷெட்டி இப்படத்தில் நாயகியாக நடிக்கிறார். எஸ்.ஜே சூர்யா , யோகி பாபு உள்ளிட்டவர்கள் இப்படத்தில் முக்கிய கதாபாத்திரத்தில் நடித்து வருகிறார்கள். அனிருத் இந்தப் படத்திற்கு இசையமைத்துள்ளார். முன்னதாக இப்படத்திற்கு எல்.ஐ.சி லவ் இன்சூரன்ஸ் கார்பரேஷன் என்று டைட்டில் வைக்கப் பட்டது. இந்த டைட்டிலுக்கு ஒரு சில எதிர்ப்புகள் வந்த நிலையில் தற்போது புதிய எல்.ஐ.சி என்கிற டைட்டில் எல்.ஐ.கே லவ் இன்சூரன்ஸ் கம்பேனி என்று மாற்றப் பட்டுள்ளது.
இன்று பிரதீப் ரங்கநாதனின் பிறந்தநாளை முன்னிட்டு இப்படத்தின் ஃபர்ஸ்ட் லுக் போஸ்டர் வெளியாகியுள்ளது. இப்போஸ்டரில் ‘இதயம் செய்வதை எந்திரம் செய்யாது’ என்கிற டேக் லை இடம்பெற்றுள்ளது படத்தின் கதைப் பற்றிய ஒரு ஐடியாவை ரசிகர்களுக்கு கொடுத்துள்ளது. நவீன தொழில்நுட்பங்கள் வளர்ந்து விட்ட ஒரு சமூதாயத்தில் காதல் எந்திரங்கள் கையில் இருந்தால் எந்த மாதிரியான பிரச்சனைகல் ஏற்படும் என்பது இப்படத்தின் கதையாக இருக்கலாம் என்று ரசிகர்கள் கூறி வருகிறார்கள். இன்றைய ஜென் ஸி கிட்ஸ்களை கவரும் வகையில் இந்த படம் இருக்கும் என்று எதிர்பார்க்கப் படுகிறது.