விடாமுயற்சி
நடிகர் அஜித் குமார் தற்போது மகிழ் திருமேனி இயக்கும் விடாமுயற்சி படத்தில் நடித்து வருகிறார். த்ரிஷா கதாநாயகியாக நடிக்கு இந்தப் படத்திற்கு அனிருத் இசையமைக்கிறார். லைகா ப்ரோடக்ஷன்ஸ் இந்தப் படத்தை தயாரிக்கிறது. மங்காத்தா படத்தைத் தொடர்ந்து இரண்டாவது முறையாக அர்ஜூன் இந்தப் படத்தில் அஜித்துடன் இணைந்து நடிக்கிறார். நிரவ் ஷா மற்றும் ஓம் பிரகாஷ் இருவரும் இணைந்து இந்தப் படத்திற்கு ஒளிப்பதிவு செய்கிறார்கள்.
அஜர்பைஜானில் படப்பிடிப்பு
விடாமுயற்சி திரைப்படம் முழுக்க முழுக்க அக்ஷன் திரைப்படமாக உருவாகி வருகிறது. பெரும்பாலான காட்சிகளின் படப்பிடிப்பு துபாய் மற்றும் அஜர்பைஜானில் நடைபெற்று வருகிறது. மேலும் இந்தப் படம் பற்றி எந்த தகவலும் கசிந்துவிட முடியாதபடி படக்குழு கவணமாக இருந்து வருகிறது.. இந்தப் படத்தில் நடிகர் அஜித்துடன் நடிகர் ஆரவ் இணைந்து நடிக்கிறார். சமீபத்தில் தனது எக்ஸ் தளத்தில் அஜித் குமாருடன் இணைந்து அவர் புகைப்படம் ஒன்றை இணையதளத்தில் வெளியிட்டிருந்தார். இந்தப் புகைப்படம் இணையதளத்தில் பரவலாக கவனிக்கப்பட்டது. இதனைத் தொடர்ந்து தற்போது நடிகர் அஜித்துடன் டின்னர் சாப்பிடும் புகைப்படம் ஒன்றை வெளியிட்டுள்ளார் நடிகர் ஆரவ். இந்தப் புகைப்படத்தில் அஜித் , அர்ஜூன் மற்றும் ஆரவ் ஆகிய மூவரும் காணப்படுகிறார்கள்.
அஜித் அர்ஜூன் காம்போ
முன்னதாக வெங்கட் பிரபு இயக்கத்தில் உருவான மங்காத்தா படத்தில் நடிகர் அஜித் மற்றும் அர்ஜூன் இணைந்து நடித்திருந்தனர். எதிரெதிராக படம் முழுவதும் வந்து கடைசியாக ரசிகர்களுக்கு மிகப்பெரிய சர்ப்ரைஸ் கொடுத்தது இந்த காம்போ. தற்போது இந்தப் படத்தில் மீண்டும் ஒரு முறை இந்த கூட்டணியை பார்க்க ரசிகர்கள் காத்திருக்கிறார்கள். மேலும் இந்தப் படத்தில் நடிகர் அர்ஜூன் தனது கெட் அப் ஒன்றை புகைப்படம் எடுத்து வெளியிட்டிருந்தார் அர்ஜூன் . அதற்கு கீழ் ”இந்தப் புகைப்படத்தை யார் எடுத்தது என்று கண்டுபிடியுங்கள்” என்று பதிவிட்டிருந்தார். இந்தப் புகைப்படத்தை நடிகர் அஜித் தான் எடுத்திருப்பார் என்று ரசிகர்கள் உடனடியாக கண்டுபிடித்துவிட்டார்கள்.