தமிழ் திரையுலகின் உச்ச நட்சத்திரம் அஜித்குமார். அஜித் நடிப்பில் கடைசியாக குட் பேட் அக்லி படம் வெளியானது. இந்த படத்திற்கு பிறகு தற்போது வரை அஜித் எந்த படத்திலும் நடிக்காமல் இருந்து வருகிறார். ஆதிக் ரவிச்சந்திரன் இயக்கத்தில் அஜித்குமார் மீண்டும் நடிக்க உள்ளதாக தொடர்ந்து அறிவிப்பு வெளியானாலும், அதுதொடர்பான எந்த அறிவிப்பும் அடுத்து வெளியாகாமல் உள்ளது.
அஜித் - வெங்கட்பிரபு காம்போ:
அஜித்குமாரும் கார் பந்தயங்களில் மிகவும் தீவிரமாக உள்ளார். இந்த சூழலில், அஜித்குமார் மீண்டும் வெங்கட்பிரபுவுடன் கை கோர்க்க உள்ளதாக தகவல் வெளியாகியுள்ளது. அஜித்குமார் நடிப்பில் வெளியாகி மாபெரும் வெற்றி பெற்ற படம் மங்காத்தா. இந்த படத்தை வெங்கட்பிரபு இயக்கியிருப்பார்.
வெங்கட்பிரபு இயக்கத்தில் எதிர்மறை கதாபாத்திரத்தில் அஜித்தின் அசுரத்தனமான நடிப்பில் வெளியான இந்த படம் அவரது கேரியரில் தவிர்க்க முடியாத படமாக உள்ளது. இந்த படத்தின் 2ம் பாகத்திற்கான கதை தன்னிடம் இருப்பதாக ஏற்கனவே வெங்கட்பிரபு கூறியிருந்தார்.
உருவாகிறதா மங்காத்தா 2?
இந்த சூழலில், சமீபத்தில் அஜித்தை நேரில் சந்தித்த வெங்கட்பிரபு இந்த படம் தொடர்பான பேச்சுவார்த்தையில் ஈடுபட்டதாக தகவல் வெளியாகியுள்ளது. இந்த தகவலை பிரபல இயக்குனர், நடிகர் சித்ரா லட்சுமணன் தெரிவித்துள்ளார். இது அஜித் ரசிகர்கள் மத்தியில் மகிழ்ச்சியை உண்டாக்கியுள்ளது.
அஜித் ஆதிக் ரவிச்சந்திரன் திரைப்படம், கேஜிஎஃப் இயக்குனர் இயக்கத்தில் நடிப்பார் என்று ஏற்கனவே தகவல்கள் வெளியாகியுள்ளது. மீண்டும் அஜித் வெங்கட்பிரபு கூட்டணி இணைந்தால் இந்த கூட்டணி படங்கள் முடிந்த பிறகே இணைவார் என்று கருதப்படுகிறது.
அஜித் கேட்கும் சம்பளம்:
அஜித் தற்போது சொந்தமாக கார் பந்தய அணி நடத்தி வருவதால் அடுத்த படத்திற்காக சம்பளம் அதிகளவு கேட்பதாகவும், அதன் காரணமாகவே தயாரிப்பாளர் இதுவரை கிடைக்கவில்லை என்றும் கோலிவுட் வட்டாரத்தில் தகவல் வெளியாகி வருகிறது. இந்த சூழலில், அவர் கேட்கும் சம்பளத்தை கொடுக்கும் தயாரிப்பாளர் கிடைத்தால் விரைவில் திரைப்பட பணிகள் தொடங்கும் என்று கருதப்படுகிறது. அஜித் - ஆதிக் ரவிச்சந்திரன் இயக்கத்தில் உருவாகும் புதிய படத்தின் படப்பிடிப்பு வரும் இந்தாண்டு இறுதியில் தொடங்கும் என்று எதிர்பார்க்கப்படுகிறது. கதைத் தயாரிப்பு மற்றும் கலைஞர்கள் தேர்வில் ஆதிக் ரவிச்சந்திரன் மிகவும் தீவிரமாக இருப்பதாகவும் கூறப்படுகிறது.
சத்தமே இல்லாமல் தொடங்கிய ரஜினிகாந்த் பட ஷுட்டிங்? தலைவர் 173 ஆட்டம் ஆரம்பம்!