தி கோட் (The Goat Trailer)
வெங்கட் பிரபு இயக்கத்தில் விஜய் நடித்துள்ள படம் தி கோட். எ.ஜி.எஸ் என்டர்டெயின்மெண்ட் தயாரித்துள்ள இப்படத்திற்கு யுவன் ஷங்கர் ராஜா இசையமைத்துள்ளார். பிரசாந்த், பிரபு தேவா , சினேகா , லைலா ,மோகன் , மீனாக்ஷி செளதரி , வைபவ் , பிரேம்ஜி , ஜெயராம் உள்ளிட்ட பல்வேறு நட்சத்திரங்கள் இப்படத்தில் நடித்துள்ளார்கள்.
கடந்த ஜனவரி 1 ஆம் தேதி இப்படத்தின் டைட்டில் மற்றும் ஃபர்ஸ்ட் லுக் வெளியானதில் இருந்தே படத்தின் மீதான ரசிகர்களின் எதிர்பார்ப்பு பல மடங்கு அதிகரித்தது.
இதனைத் தொடர்ந்து அடுத்தடுத்து வெளியான பாடல்கள் , போஸ்டர்கள் இது வழக்கமான விஜய் படமாக இருக்காது என்பதை உணர்த்தின. வரும் செப்டம்பர் 5 ஆம் தேதி வெளியாக இருக்கும் தி கோட் படத்தின் ட்ரெய்லரை தற்போது படக்குழு வெளியிட்டுள்ளது.