விஜய் டிவியின் வேலைக்காரன் சீரியலில் நடித்துவரும் நாயகி கோமதி பிரியா, பாடகியாக புதிவ அவதாரம் எடுத்துள்ளது ரசிகர்களுக்கிடையே மிகுந்த வரவேற்பைப் பெற்றுள்ளது.
வெள்ளித்திரை நாயகிகளைவிட சின்னத்திரை சீரியல் நடிகைகள் தான் மக்கள் மனதில் அதிகளவில் இடம் பிடித்துள்ளனர். ஆம் தினமும் சீரியல்களின் வாயிலாக ஒவ்வொருவரின் வீட்டுத்தொலைக்காட்சிகளும் வலம் வரும் இவர்கள், சீரியல் நடிப்பு மட்டுமில்லாது திரைத்துறையில் பல பணிகளை மேற்கொண்டு ரசிகர்களின் நன்மதிப்பையும், பாராட்டுகளையும் பெற்று வருகின்றனர். அந்த வரிசையில் தற்போது பாடகியாக புதிய அவதாரத்தை எடுத்துள்ளார் விஜய் டிவியின் வேலைக்காரன் சீரியல் நாயகி நடிகை கோமதி பிரியா.
மதுரையைச்சேர்ந்த இவர் சிறுவயதில் இருந்தே நடிப்பு மற்றும் நடனம் ஆகியவற்றில் மிகுந்த ஈடுபாடு கொண்டிருந்ததன் விளைவு தான் பள்ளி மற்றும் கல்லூரிகளில் பல நிகழ்ச்சிகளில் பங்கேற்றுள்ளார். இதோடு மட்டுமின்றி தன்னுடைய நடிப்புத் திறனை வெளிச்சத்திற்கு கொணடுவருவதற்காக ஹைதராபாத் வரை சென்றுள்ளார். இதனையடுத்து கடந்த 2018 முதல 2020 வரை கலர்ஸ் தமிழில் ஒளிப்பரப்பான ஓவியா என்ற தமிழ் சீரியல் மூலம் சின்னத்திரைக்குள் அறிமுகமானார். பின்னர் கடந்த 2020 ஆம் ஆண்டு முதல் விஜய் டிவியில் ஒளிப்பரப்பாகி வரும் வேலைக்காரன் என்ற சீரியலில் தற்போது முதன்மைக் கேரக்டரில் நடித்து வருகிறார். இச்சீரியல் தற்போது தமிழ் மொழியில் எப்படி மக்களிடம் நல்ல வரவேற்பைப் பெற்றுள்ளதோ தெலுங்கில் ஹிட்லர் கேரி பெல்லம் என்ற பெயரில் ஒளிப்பரப்பாகி நல்ல வரவேற்பைப் பெற்றது குறிப்பிடத்தக்கது.
இச்சீரியலில் வள்ளி என்ற கதாபாத்திரத்தில் நடித்து ரசிகர்கள் மத்தியில் இடம் பிடித்துள்ள கோமதி பிரியா, சீரியல் ஆக்டிங் மட்டுமில்லாது, எப்போது சோசியல் மீடியாவில் ஆக்டிவாக இருந்து வருகிறார். குறிப்பாக மற்ற நடிகைகளைப் போன்று அவ்வப்போது எடுக்கும் புகைப்படங்கள் மற்றும் வீடியோக்களைப் பதிவிடுவது போல நடிகை கோமதி பிரியாவும் பதிவிட்டு வருகிறார். இந்நிலையில் தான் சமீபத்தில், நடிகை கோமதி பிரியா, ஒரு ஸ்டுடியோவில் ஒரு பாடல் பதிவு செய்வது போல் சில புகைப்படங்களை வெளியிட்டிருந்தார்.
இதோடு மட்டுமின்றி இந்த பதிவில், யோ நண்பர்களே! நான் இந்த பாடலைப் பாடினேன். புதிய முயற்சி ( உண்மையில் எனக்கு ஏன் இந்த கொலை வெறி) என்று பதிவிட்டுள்ளார். இன்ஸ்டாவில் இந்த பதிவைப்பார்த்த ரசிகர்கள் பலரும் நடிகை கோமதி பிரியாவுக்கு வாழ்த்துக்களைத் தெரிவித்து வருகின்றனர். மற்றொரு ரசிகர் ஒருவர்,“ நீங்கள் பாடிய பாடலைக் கேட்பதற்கு நாங்கள் ஆவலுடன் காத்திருக்கிறோம் எனவும் ஹார்டி, ஸ்மைலி போன்ற இமோஜிகளைப் பதிவிட்டு வருகின்றனர்.