அஜித் - விஜய் 

 

இயக்குநர் ஹெச்.வினோத் இயக்கத்தில் அஜித் நடிக்கும் துணிவு மற்றும் இயக்குநர் வம்சி இயக்கத்தில் நடிகர் விஜய் நடிக்கும் வாரிசு ஆகிய இரண்டு திரைப்படங்களும் 11ம் தேதி வெளியாகும் என அதிகாரப்பூர்வமாக அறிவிக்கப்பட்டது. எனவே அஜித், விஜய் ரசிகர்கள் உற்சாகத்தில் உள்ளனர். பல வருடங்களுக்கு பிறகு தமிழ் சினிமாவின் இரு பெரும் நடிகர்களான அஜித், விஜய் ஆகியோரின் திரைப்படங்கள் ஒரே நாளில் வெளியாகவுள்ளன. இதனால் இந்த பொங்கல் அஜித் மற்றும் விஜய் ரசிகர்ளுக்கு ஒரு விருந்தாக அமைந்துள்ளது. வாரிசு, துணிவு ஆகிய இரண்டு திரைப்படங்களும், ஒரே வெளியாக இருக்கும் நிலையில் விஜய் மற்றும் அஜித் ரசிகர்கள் கோயம்பேட்டில் உள்ள ரோகிணி திரையரங்கில் பேனர்களை வைக்கும் பணியில் மும்முரமாக செயல்பட்டு வருகின்றனர். இதேபோல் தமிழகத்தில் உள்ள அனைத்து தியேட்டர்களிலும் ரசிகர்கள் பேனர்கள் வைத்து கொண்டாட்டத்தில் ஈடுபட்டுள்ளனர்.




 

8 ஆண்டு பிறகு..

 

கடந்த எட்டு ஆண்டுகளுக்கு பிறகு விஜய் மற்றும் அஜித் திரைப்படம் ஒரே நாளில் வெளியாக இருக்கும் நிலையில் அஜித் ரசிகர்கள் அஜித்தின் புகைப்படத்தை 35 அடி பேனர்கள் வைத்தும், விஜய் ரசிகர்கள் விஜயின் புகைப்படத்தை 30 அடி பேனர் வைத்து அவர்களது மகிழ்ச்சி வெளிப்படுத்தி வருகின்றனர். நாளை வெளியாகும் திரைப்படத்திற்கு அஜித் மற்றும் விஜய் ரசிகர்கள் அவர்கள் வைத்த பேனர்களுக்கு மாலை அணிவித்தும், பால் அபிஷேகம் செய்தும், தோரணங்கள் கட்டியும், கோஷங்களையும் எழுப்பியும் கொண்டாடட்டத்தில் ஈடுபட்டு வருகின்றனர்.

 



 

காஞ்சிபுரத்தில்..

 

கோவில் நகரமான காஞ்சிபுரத்திலும் விஜய் மற்றும் அஜித் திரைப்படம்  கொண்டாட்டங்கள் கலைக்கட்ட துவங்கியுள்ளன. விஜய் மற்றும் அஜித் ஆகிய ரசிகர்களின் புகைப்பட அடங்கிய பேனர்கள் திரையரங்கு வாசலில் வைக்கப்பட்டு திரைப்பட முதல் காட்சிக்காக காஞ்சிபுரம் மாவட்ட ரசிகர்கள் காத்திருக்கின்றனர். 



 

ரத்ததானம் செய்தால் டிக்கெட்

 

இந்த நிலையில் காஞ்சிபுரம் விஜய் மக்கள் இயக்கம் மாவட்ட தலைமை சார்பில் ஒரு அறிவிப்பு வெளியிடப்பட்டுள்ளது. காஞ்சிபுரம் அரசு தலைமை மருத்துவமனையில் நாளை காலை 8 மணி முதல் விஜய் மக்கள் இயக்கம் சார்பில் நடத்தப்படும் ரத்த தான முகாமில் கலந்துகொண்டு இரத்தம் கொடுக்கும் நபர்களுக்கு, காஞ்சிபுரத்தில் உள்ள திரையரங்கு ஒன்றில் வாரிசு படம் பார்ப்பதற்கு இலவச டிக்கெட் வழங்கப்படும் என தெரிவிக்கப்பட்டுள்ளது. இந்த புகைப்படம் காஞ்சிபுரம் உள்ளூர் குழுவுகளில் வேகமாக பரவி வருவது மட்டுமில்லாமல், ரசிகர்களின் ஆதரவை பெற்றுள்ளது.