முதல் நாள் வசுல் எவ்வளவு?
வலிமை திரைப்படத்தின் முதல் நாள் வசுல் குறித்த விவரங்கள் வெளியாகியிருக்கின்றன. அதன் படி நேற்று ஒரே நாளில் தமிழ்நாட்டில் மட்டும் வலிமைத்திரைப்படம் 35 லிருந்து 40 ( Cross Amount) கோடி வசுலிருப்பதாக தகவல் வெளியாகியுள்ளது. முன்னதாக ரஜினியின் அண்ணாத்த திரைப்படம் 34 கோடியை (Cross Amount) கோடி வசுலித்திருந்து குறிப்பிடத்தக்கது.
அதே ஆந்திராவில் 1 கோடியும், கேரளாவில் 1 கோடியும் வசுலித்துள்ளதாக சொல்லப்படுகிறது. உலக அளவில் சேர்த்து பார்த்தால் வலிமைத்திரைப்படம் மொத்தம் 48 லிருந்து 50 கோடி வசுலித்துள்ளதாக தகவல் வெளியாகியுள்ளது.
நேர்கொண்ட பார்வை திரைப்படத்திற்குப் பிறகு இரண்டு ஆண்டுகள் கழித்து மீண்டும் நடிகர் அஜித் நடித்த வலிமை திரைப்படம் நேற்று உலகம் முழுவதும் வெளியாகியது. படம் மக்களிடையே நல்ல வரவேற்பை பெற்று வரும் நிலையில், படம் குறித்தான விமர்சனங்களும் முன்வைக்கப்பட்டுக்கொண்டுதான் இருக்கின்றன.
ரசிகர்களிடம் மிகப்பெரிய எதிர்பார்ப்பை ஏற்படுத்தியிருந்த வலிமைத்திரைப்படம், கடந்த ஜனவரி மாதமே வெளியாக இருந்த நிலையில், கொரோனா பரவல் காரணமாக தள்ளிவைக்கப்பட்டது. அதனைத்தொடர்ந்து கொரோனா பரவல் குறைந்த நிலையில், ரிலீஸ் தேதி அறிவிக்கப்பட்டது. படத்தின் பாடல்களுக்கு யுவன் ஷங்கர் ராஜா இசையமைத்திருந்தாலும், பின்னணி இசையில் ஜிப்ரானின் பங்கு இருப்பதாகவே சொல்லப்படுகிறது. நீரவ் ஷா ஒளிப்பதிவு செய்திருக்கும் இந்தப்படத்திற்கு, திலீப் சுப்பராயன் சண்டை இயக்கம் செய்திருப்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்