பாலிவுட்டின் பிரபல இயக்குநரும், தயாரிப்பாளருமான கரண் ஜோஹரின் இயக்கத்தில் 2012 ஆம் ஆண்டு வெளியான ஸ்டூடன்ட் நம்பர் 1 திரைப்படம் தான் ஆலியா நாயகியாக அறிமுகமான முதல் திரைப்படம். அதற்கு முன்னர் குழந்தை நட்சத்திரமாக நடித்திருந்தார். முதல் படத்திற்குப் பின்னர் அவர் கல்லி பாய், டியர் ஜிந்தகி ஆகிய படங்களில் நடித்து பாராட்டைப் பெற்றார். அண்மையில் ஆலியா பட் சஞ்சய் லீலா பன்சாலி இயக்கத்தில் கங்குபாய் கத்தியாவாடி என்ற படத்தில் நடித்திருந்தார். அவரது நடிப்பை ஒட்டுமொத்த இந்தியாவும் கொண்டாடியது. ஆர்ஆர்ஆர் படத்திலும் ஆலியா நடித்திருந்தார். ஆனால் அதில் அவரை தனித்துப் பாராட்டும்படி கதாபாத்திரம் அமையவில்லை. இந்த நிலையில் தான், ஆலியா பட் ஹாலிவுட் படத்தில் ஒப்பந்தமானார். ‘The Heart Of Stone' தி ஹார்ட் ஆஃப் ஸ்டோன் என்ற படத்தில் ஆலியா பட் கால் காடோட் உடன் நடிக்கிறார். படப்பிடிப்பு லண்டனில் நடந்து வருகிறது.
ஆலியா மற்றும் ரன்பீர் கபூர் இருவரும் கடந்த 2017 ஆம் ஆண்டு முதலாக காதலித்து வருவதாக கூறப்பட்ட நிலையில் கடந்த ஓரிரு வருடங்களாகவே இருவரும், தங்களின் உறவு குறித்து மேடைகளிலும் , நேர்காணல்களிலும் வெளிப்படையாகவே பகிர்ந்து கொண்டனர். இந்நிலையில் அவர்களின் திருமணம் அண்மையில் நடைபெற்றது. இந்நிலையில் அவர் தனது கர்ப்பத்தை அண்மையில் அறிவித்தார்.
இப்படி குடும்ப வாழ்க்கை ஒருபுறம் இருக்க தனது ப்ரொபஷனல் வாழ்க்கையிலும் தொடர்ந்து வெற்றியை சந்தித்து வருகிறார் ஆலியா, இந்த நிலையில் டைம் 100 இம்பேக்ட் விருதுகள் ஆலியாவிற்கு ஒரு விருதை அறிவித்துள்ளது. அந்த விருது ஒரே ஆண்டில் நான்கு வெற்றி திரைப்படங்களை கொடுத்ததற்காக விருது வழங்கப்படும் என்று ஆலியாவிற்கு அழைப்பு வந்துள்ளது. அந்த அழைப்பு படிவத்தில்
" 2022 ஆம் ஆண்டு அலியா பட்டிற்கு ஒரு சிறந்த ஆண்டாக அமைந்துள்ளது ஏனென்றால் பிப்ரவரி மாதத்தில் கங்குபாய் திரைப்படமும், அதன் வெற்றிக்குப் பிறகு தெலுங்கில் தெலுங்கு சினிமாவில் பெரிய மாற்றத்தை ஏற்படுத்திய RRR திரைப்படத்திலும் நடித்த தெலுங்கு சினிமாவில் பெரும் அங்கீகாரத்தை பெற்றார் அதன் பிறகு நெட்பிலிக்ஸ்ல் வெளியான டார்லிங் திரைப்படத்திலும் இந்திய மக்களால், பெரிதும் எதிர்பார்க்கப்பட்டிருந்த பிரம்மாஸ்திரம் திரைப்படத்திலும் தனது அதித நடிப்பை வெளிப்படுத்தி மக்களிடம் பெரும் பாராட்டை பெற்றுள்ளார் அலியா"
என்று அந்த அழைப்பில் தெரிவித்து இருந்தனர் இதனை ஆலயப்பட்டு தனது இன்ஸ்டாகிராம் பக்கத்தில் பதிவிட்டு தனது மகிழ்ச்சியை வெளிப்படுத்தியுள்ளார்.