Thotti Jaya Movie released on this day: "வல்லவன்" நயன்தாரா- சிம்பு ஜோடி முதலில் புக்கானது இந்த படத்தில் தான் - 'தொட்டி ஜெயா' வெளியான நாள்  


கலைப்புலி. எஸ். தாணு தயாரிப்பில், வி.இசட். துரை இயக்கத்தில் நடிகர் சிம்பு நடிப்பில் 2005ம் ஆண்டு வெளியான கேங்ஸ்டர் சார்ந்த திரைப்படம் "தொட்டி ஜெயா". 17 ஆண்டுகளுக்கு முன்னர் இன்றைய தினத்தில் இப்படம் வெளியாகி திரை ரசிகர்கள் மத்தியில் சக்கை போடு போட்டது. இந்த 17 ஆண்டு கொண்டாட்டத்தை சிம்பு ரசிகர்கள் சமூக வலைத்தளங்களில் ஹேஷ்டேக்குடன் பகிர்ந்து கொண்டாடி வருகிறார்கள். 


 



 


சிம்பு தி கேங்ஸ்டர்:


இரண்டு வயதிலேயே குழந்தை நட்சத்திரமாக திரையுலகில் அடியெடுத்து வைத்த லிட்டில் சூப்பர் ஸ்டார் என குழந்தை நட்சத்திரமாக அறிமுகமானவர் நடிகர் சிம்பு. பின்னர் பல திரைப்படங்களில் நடித்த பிறகு முன்னணி நடிகராக அறிமுகமாகி தனது தனித்துவமான நடிப்பால் தனக்கென ஒரு பெரிய ரசிகர் பட்டாளத்தை வென்றார். சிம்பு நடித்த முதல் கேங்ஸ்டர் திரைப்படம் இது. அதனை தொடர்ந்து மணிரத்னத்தின் இயக்கத்தில் வெளியான "செக்க சிவந்தது வானம்" திரைப்படத்தில் மீண்டும் கேங்ஸ்டர் கதாபாத்திரத்தில் நடித்தார். 


 


ஜீவன் கதாபாத்திரத்தில் நடித்த சிம்பு:  


அஜித் நடிப்பில் வெளியான "முகவரி" திரைப்படம் மூலம் இயக்குனராக அறிமுகமானவர் வி.இசட். துரை. அது ஒரு பிளாக் பஸ்டர் திரைபடடமாக அமைந்தது. அதற்கு பின்னர் "தொட்டி ஜெயா" திரைப்படம் நல்ல வெற்றியை கொடுத்தது. முதலில் இப்படத்திற்கு ஹீரோவாக தேர்ந்தெடுக்கபட்டவர் நடிகர் ஜீவன். போட்டோஷூட் செய்யப்பட்ட பிறகு அவர் இந்த கதாபாத்திரத்தில் பொருந்தாதலால் நடிகர் சிம்புவை வைத்து படப்பிடிப்பை தொடங்கினர். காதல் நாயகனாக நடித்து வந்த சிம்பு முதல் முறையாக ஒரு கேங்ஸ்டர் கதாபாத்திரத்தில் நடித்தது ரசிகர்களை கவர்ந்தது. இப்படம் முழுவதும் சிம்பு கருப்பு உடையில், நீளமான முடி தாடி வைத்து நடித்தது அந்த சமயத்தில் இளைஞர்கள் மத்தியில் ட்ரெண்டிங் ஆனது. 


 


நயன்தாரா மிஸ் ஆயிட்டாங்களே :


தொட்டி ஜெயா படத்திற்கு முதலில் கதாநாயகியாக தேர்ந்ததெடுக்கபட்டவர் நடிகை நயன்தாரா. ஆனால் அவரின் பிஸியாக ஷெட்யூல் காரணமாக அவரால் நடிக்க முடியாததால் சேரனின் இயக்கத்தில் வெளியான "ஆட்டோகிராப்" படத்தில் சிறப்பாக நடித்த கோபிகா தேர்ந்தெடுக்கப்பட்டார். நயன்தாரா - சிம்பு ஜோடி "தொட்டி ஜெயா" படத்தில் நடித்திருந்தால் "வல்லவன்" திரைப்படத்திற்கு முன்னர் இவர்களின் ஜோடியில் வெளியான படமாக இது அமைந்து இருக்கும்.    


 


ஹாரிஸ் ஜெயராஜ் - சிம்பு ஜோடி :


இசையமைப்பாளர் ஹாரிஸ் ஜெயராஜ் இசையில் "தொட்டி  ஜெயா" 
படத்தின் பாடல்கள் இனிமை. மேலும் கோயில் திரைப்படத்திற்கு பிறகு இருவரும் இப்படத்தின் மூலம் இணைந்தார்கள் ஆனால் அதற்கு பிறகு சிம்பு படத்திற்கு ஹாரிஸ் ஜெயராஜ் இசையமைக்கவில்லை என்பது குறிப்பிடத்தக்கது.