உலக சினிமாவின் திரை கலைஞர்களுக்கு வழங்கப்படும் மிக உயரிய விருது ஆஸ்கர் விருது. அந்த வகையில் அமெரிக்காவில் உள்ள லாஸ் ஏஞ்சல்ஸில் டால்பி திரையரங்கில் 95 வது ஆஸ்கர் விருது வழங்கும் விழா தற்போது நடைபெற்று வருகிறது. இந்த விழாவில் ஆஸ்கர் விருதுகளை குவித்த திரைப்படங்கள் எந்தெந்த ஓடிடி தளத்தில் நீங்கள் கண்டு ரசிக்கலாம் என்ற பட்டியல் இதோ :


Everything Everywhere All at Once திரைப்படம் சிறந்த நடிகர், சிறந்த துணை நடிகை, சிறந்த படம், இயக்குநர், திரைக்கதை என ஏழு பிரிவுகளின் கீழ் விருதுகளை குவித்தது. இப்படம் சோனி லைவ் ஓடிடி தளத்தில் ஸ்ட்ரீமிங் செய்யப்படுகிறது.


All Quiet on the Western Front திரைப்படம் சிறந்த ஒளிப்பதிவுக்கான ஆஸ்கர் விருதை கைப்பற்றினார் ஜேம்ஸ் ஃபிரெண்டு. இப்படம் நெட்ப்ளிக்ஸ் ஓடிடி தளத்தில் ஸ்ட்ரீமிங் செய்யப்படுகிறது.


 



Black Panther: Wakanda Forever திரைப்படம் சிறந்த ஆடை வடிவமைப்புக்கான விருதை கைப்பற்றியது. இப்படம் டிஸ்னி + ஹாட்ஸ்டார் ஓடிடி தளத்தில் ஒளிபரப்பாகிறது. 


Top Gun: Maverick திரைப்படம் சிறந்த ஒலிப்பதிவுக்கான விருதை கைப்பற்றியது. இப்படம் அமேசான் பிரைம் ஓடிடி தளத்தில் ஒளிபரப்பாகி வருகிறது.


எஸ்.எஸ். ராஜமௌலியின் இயக்கத்தில் வெளியான ஆர்.ஆர்.ஆர் திரைப்படத்தில் இடம்பெற்ற நாட்டு நாட்டு பாடல் சிறந்த மூலப்பாடல்  என்ற பிரிவுகளின் கீழ் பாடலாசிரியர் சந்திரபோஸ் மற்றும் இசையமைப்பாளர் கீரவாணிக்கு வழங்கப்பட்டுள்ளது. ஆர்.ஆர்.ஆர் திரைப்படம் ஜீ 5 மற்றும் டிஸ்னி + ஹாட்ஸ்டார் ஓடிடி தளத்தில் ஸ்ட்ரீமிங் செய்யப்பட்டுள்ளது. 


சிறந்த ஆவண குறும்படத்திற்கான விருதை The Elephant Whisperers திரைப்படம் கைப்பற்றியுள்ளது. படத்தின் இயக்குநர் கார்த்தி கொன்சால்வ்ஸ் மற்றும் தயாரிப்பாளர் குனித் மோங்கா விருதை பெற்றனர். முதுமலை சரணாலயத்தில் யானைகளை பராமரிக்கும் பொம்மன் மற்றும் பெல்லி தம்பதி குறித்து வெளியான இப்படம் நெட்ப்ளிக்ஸ் ஓடிடி தளத்தில் ஒளிபரப்பாகிறது. 


சிறந்த அனிமேஷன் திரைப்படத்துக்கான விருதை Pinocchio திரைப்படம் வென்றது. மேலும் சிறந்த துணை நடிகருக்கான விருதை கே ஹூ க்யான் வென்றார். இப்படம் நெட்ப்ளிக்ஸ் ஓடிடி தளத்தில் ஸ்ட்ரீமிங் செய்யபடுகிறது. 


மேலும் The Whale திரைப்படம் சிறந்த ஒப்பனைக்கான ஆஸ்கர் விருதை ஆட்ரியன் மோரோட், ஜூடி சின், அன்னிமேரி பிராட்லி ஆகியோர் கைப்பற்றினர். 


Avatar: The Way of Water திரைப்படம் சிறந்த படம், சிறந்த விஷுவல் எஃபெக்ட்ஸ், சிறந்த ப்ரொடக்ஷன் டிசைன் மற்றும் சிறந்த இசை என நான்கு பிரிவுகளின் கீழ் விருதை குவித்துள்ளது. 


சிறந்த தழுவல் திரைக்கதைக்கான விருதை Women Talking திரைப்படம் வென்றது. சிறந்த ஆவணப்படம் பிரிவில் Navalny திரைப்படம் ஆஸ்கர் விருதை கைப்பற்றியது.  


இப்படங்கள் ஓடிடி தளங்களில் விரைவில் ஸ்ட்ரீமிங் செய்யப்படும். அது குறித்த விவரம் விரைவில் வெளியிடப்படும் என எதிர்பாக்கப்படுகிறது.  ஆஸ்கர் விருது பெற்ற திரைப்படங்களுக்கு உலகெங்கிலும் இருந்து வாழ்த்துக்கள் குவிந்து வருகிறது.