தங்கலான் படத்திற்காக நடிகர் விக்ரம் மேக்கப் போடும் வீடியோ சமூக வலைதளத்தில் வெளியாகி வைரலாகி வருகிறது. ‘இதில் விக்ரம் ஆள் அடையாளம் தெரியாமல் யாரோ போல் இருக்கிறார்’ போன்ற கமெண்ட்டுகளும் குவிந்து வருகிறது.
'சீயான்’ விக்ரமின் தங்கலான்
வித்தியாசமான கதைகளை தேர்வு செய்து நடிப்பதில் வல்லவரான நடிகர் விக்ரம் தமிழ் சினிமாவின் மிக முக்கிய நடிகர்களில் ஒருவராக திகழ்கிறார். இவரது நடிப்பில் கடைசியாக பொன்னியின் செல்வன் 1 மற்றும் 2-ஆம் பாகம் வெளியானது. இதில் விக்ரம் ஆதித்ய கரிகாலன் கேரக்டரை ஏற்று நடித்து, அதற்கு தத்ரூபமாக கண்முன் கொண்டு வந்து நிறுத்தினார். இதனையடுத்து விக்ரமின் அடுத்த படமாக “தங்கலான்” உருவாகி வருகிறது.
பா.ரஞ்சித் இயக்கும் இப்படத்தில் நடிகைகள் பார்வதி, மாளவிகா மோகனன், நடிகர் பசுபதி, பிரிட்டிஷ் நடிகர் டேனியல் கால்டகிரோன் உள்ளிட்ட பலரும் நடிக்கின்றனர். ஜி.வி.பிரகாஷ்குமார் இசையமைக்கிறார். இப்படத்தை ஸ்டுடியோ கிரீன் மற்றும் நீலம் புரொடக்ஷன் இணைந்து தயாரித்துள்ளது. இப்படத்திற்கு ஜி.வி.பிரகாஷ்குமார் இசையமைத்துள்ளார். படத்தின் அறிவிப்பு வெளியானபோதே மிகப்பெரிய எதிர்பார்ப்பு எழுந்தது. தங்கலான் படத்துக்காக விக்ரம் வித்தியாசமான கெட்டப்பில் உள்ளார்.
விறுவிறுப்பாக நடைபெறும் படப்பிடிப்பு
தங்கலான் படத்தின் முதற்கட்ட படப்பிடிப்பு கேஜிஎஃப் படம் எடுக்கப்பட்ட கோலார் பகுதியிலும், 2 ஆம் கட்ட படப்பிடிப்பு சென்னையில் நடந்தது. சமீபத்தில் இந்த படத்துக்கான படப்பிடிப்பு ஒத்திகையின்போது ஏற்பட்ட விபத்தில் நடிகர் விக்ரமுக்கு விலா எலும்பில் சிறிய காயம் ஏற்பட்டது. இதற்காக அவர் சிகிச்சை பெற்று வந்த நிலையில் படப்பிடிப்பு நிறுத்தப்பட்டது. இந்த நிலையில், விக்ரம் குணமடைந்து மீண்டும் படப்பிடிப்புக்கு சென்றுள்ளார்.
இதற்கிடையில், நடிகர் விக்ரம் மேக்கப் போடும் வீடியோவை நீலம் புரொடக்ஷன் இன்ஸ்டாகிராமில் வெளியிட்டுள்ளது. இந்த வீடியோ சமூக வலைதளத்தில் வெளியாகி வைரலாகி வருகிறது. ‘இதில் விக்ரம் ஆள் அடையாளம் தெரியாமல் யாரோபோல் இருக்கிறார்’ போன்ற கமெண்ட்டுகளும் குவிந்து வருகிறது.
சமீபத்தில் மாளவிகா மேகனன் தங்கலான படத்திற்கு ஐந்து மணிநேரம் மேக்கப்போடும் புகைப்படத்தை வெளியிட்டு இருந்தார். மேக்கப்காக ஐந்து மணி நேரம் அசையாமல் அமர்ந்து இருந்தது பெரும் சவாலாக இருந்தது என்று பதிவிட்டிருந்தார்.
மேலும் படிக்க