விக்ரம் படத்தில் லோகேஷின் உதவி எழுத்தாளராக பணியாற்றி இருக்கும் ரத்ன குமார் விஜயின் அடுத்தப்படம் குறித்து பேசியிருக்கிறார்.
விக்ரம் படத்திற்கு பிறகு விஜய் 67 படம் எப்படியிருக்கும் என்பது குறித்தான ஐடியா ரசிகர்களுக்கு தெரிந்துவிடும். விஜயும், லோகேஷூம் இந்த முறை இணைகிறார்கள் என்றால் அதற்கு ஒரு முக்கியமான காரணம் இருக்கும். இந்தப்படம் முழுக்க, முழுக்க லோகேஷின் படமாக இருக்கும். நிச்சயமாக அந்தப்படம் விக்ரமை விட உக்கிரமாக இருக்கும்” என்று பேசியிருக்கிறார்.
கமல்ஹாசன் நடிப்பில் வரும் ஜூன் மாதம் 3-ஆம் தேதி வெளியாக இருக்கும் திரைப்படம் ‘விக்ரம்’. மாநகரம், கைதி, மாஸ்டர் உள்ளிட்ட படங்களை இயக்கி கவனம் ஈர்த்த இயக்குநர் லோகேஷ் கனகராஜ் இயக்கத்தில், அனிருத் இசையில் உருவாகியிருக்கும் இந்தப்படத்தின் டீஸர், மேக்கிங் வீடியோக்கள் சமூக வலைதளங்களில் வெளியாகி ரசிகர்கள் மத்தியில் நல்ல வரவேற்பை பெற்றது.
இதனைத்தொடர்ந்து, கடந்த 15ஆம் தேதி படத்தின் ஆடியோ நிகழ்ச்சி பிரம்மாண்டமாக நடைபெற்றது. இதில் டிரெய்லரும் ரிலீஸ் செய்யப்பட்டது. இந்த டிரெய்லர் ரசிகர்களை வெகுவாக கவர்ந்து ட்ரெண்டிங்கிலும் முதலிடம் பிடித்தது. டிரெய்லர் வெளியானபோதே, படத்தில் சூர்யா நடித்துள்ளதாக ரசிகர்கள் கணித்தனர்.
'விக்ரம்' படத்தில் சூர்யா முக்கிய கதாபாத்திரத்தில் நடித்துள்ளார் என்றும், அவர் க்ளைமாக்ஸில் ஒரு கேமியோ வேடத்தில் காணப்படுவார் என்றும் செய்திகள் பரவின. அந்த செய்தியை நிஜமாக்குவதுபோல, அந்த நிகழ்ச்சிலேயே படத்தின் இயக்குநர் லோகேஷ் சூர்யா நடித்திருப்பதை உறுதி செய்தார். விக்ரம் படத்தின் மூன்றாம் உருவாக இருப்பதாகவும், அதற்கான காரணமாக சூர்யா இருப்பார் என்றும் கமல்ஹாசன் கூறியிருக்கிறார். இந்தப்படத்திற்கு பிறகு லோகேஷ் கனகராஜ் விஜயின் 67-ஆவது படத்தை இயக்கவிருப்பது கிட்டத்தட்ட உறுதியாகிவிட்ட நிலையில் ரத்னகுமார் தற்போது அந்தப்படம் குறித்து பேசியிருக்கிறார்.