'தளபதி 66' படத்தில் நடிகர் விஜய் இரண்டு குழந்தைகளுக்கு தந்தையாக நடிப்பதாக தெரிகிறது. இதுதொடர்பாக வெளியான புகைப்படங்கள் சமூகவலைதளங்களில் வைரலாகி வருகிறது.
பொங்கலுக்கு ரிலீஸ்
நடிகர் விஜய் தற்போது நடித்து வரும் ‘தளபதி 66’ படப்பிடிப்பின் பெரும்பகுதியை முடித்துவிட்டு சமீபத்தில் ஹைதராபாத்தில் இருந்து சென்னை திரும்பினார். ஸ்ரீ வெங்கடேஸ்வரா கிரியேஷன்ஸ் தயாரிப்பாளர்கள் மற்றும் படத்தின் இயக்குனர் வம்ஷி பைடிப்பள்ளி இது ஒரு அற்புதமான ஷெட்யூல் என்று சமூகவலைதளங்களில் பகிர்ந்து கொண்டனர். மேலும் படம் 2023 பொங்கலுக்கு திரைக்கு வரும் என்றும் அறிவித்தனர். ‘தளபதி 66’ படத்தில் விஜய்க்கு ஜோடியாக ரஷ்மிகா மந்தனா, பிரபு, ஜெயசுதா, சரத்குமார், ஸ்ரீகாந்த், ஷாம், பிரகாஷ் ராஜ், சங்கீதா, சம்யுக்தா மற்றும் யோகி பாபு உள்ளிட்ட முன்னணி நடிகர்கள் நடிக்கின்றனர்.
2 குழந்தைக்கு தந்தையாக விஜய்..?
தற்போது சூடான செய்தி என்னவென்றால், இரண்டு பிரபலமான குழந்தை நடிகர்களும் ‘தளபதி 66’ படத்தில் நடித்து வருகின்றனர். அவர்களில் ஒருவரான ஹஷிதா ஏற்கனவே விஜய்யுடன் ‘பீஸ்ட்’ படத்தில் அவர் காப்பாற்றும் மாலில் உள்ள குழந்தைகளில் ஒருவராக நடித்துள்ளார். மற்றொரு நடிகர், ‘பெங்குயின்’ படத்தில் கீர்த்தி சுரேஷின் மகனாக நடித்த அத்வைத் ஆவார். இயக்குனர் வம்சியுடன் இணைந்திருக்கும் புகைப்படங்களையும், அவருடனும் விஜய்யுடனும் பணிபுரிந்த மகிழ்ச்சியை வெளிப்படுத்தும் புகைப்படங்களை இருவரும் பகிர்ந்துள்ளனர்.
இந்த புகைப்படங்கள் விஜய் இந்த இரண்டு குழந்தைகளுக்கும் அப்பாவாக நடிக்கிறாரா என்ற யூகத்தை ஏற்படுத்தியுள்ளது. இருப்பினும், இந்தப்படத்தில் விஜய்யின் சகோதரர்களாக ஸ்ரீகாந்த் மற்றும் ஷாம் ஆகியோர் நடிக்கிறார்கள். இதனால் படத்தில் அவர்களின் பிள்ளைகளாகவும் இருக்கலாம் என்றும் கூறப்படுகிறது.
எப்படியிருந்தாலும் இன்னும் ஆறு மாதங்களுக்குப் பிறகு பொங்கல் நாளில் விஜய்க்கும் இந்த இரண்டு அழகான குழந்தைகளுக்கும் இடையேயான உறவு என்ன என்பதை நாம் நிச்சயமாக தெரிந்துவிடும். அதுவரை சஸ்பென்ஸ் உடனையே ரசிகர்கள் இருக்க வேண்டியதுதான்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்