மீனாட்சி பொண்ணுங்க சீரியலில் இன்றைய எபிசோடில் யமுனா - கார்த்திக் கல்யாணத்தை புஷ்பா நிறுத்தும் காட்சிகள் இடம் பெறுகிறது.
முன்னதாக, ரங்கநாயகிக்கு பீரோவில் இருந்த வீட்டு பத்திரம் காணாமல் போனது கண்டு அதிர்ச்சியடைகிறார். அப்போது புஷ்பா சக்தி தான் வீட்டு பத்திரத்தை வைத்து, கல்யாணத்துக்கு நகை வாங்கிய விஷயத்தை போன் செய்து சொல்கிறாள். உடனே நகை கடைக்காரரை ரங்கநாயகி மிரட்ட அவன் உண்மையை சொல்கிறான். இதனையடுத்து நகைக்கடை காரரை மண்டபத்திற்கு வர சொல்லிவிட்டு, ரங்கநாயகி பூஜாவுடன் செல்லும் காட்சிகள் இடம் பெற்றிருந்தது.
இன்றைய எபிசோடில் நடப்பது என்ன?
யமுனா கல்யாணத்திற்கு வந்த சில பெண்கள் வெற்றியிடம் வந்து பேசுவதை கண்டு சக்தி எரிச்சல் அடைகிறாள். இதனிடையே கார்த்திக்கின் குடும்பம் மண்டபத்திற்கு வருவதை நீதிமணி மறைந்திருந்து பார்க்கிறான். பிறகு கோகிலாவிடம் மீனாட்சி வீட்டார் நகைகளை ஒப்படைக்கிறார்கள். அதன் பிறகு யமுனா அணிந்தது போக மீதமுள்ள நகைகளை தனியாக சென்று கோகிலா அணிந்து கொள்கிறாள். தொடர்ந்து மாப்பிள்ளைக்கு பாதபூஜை செய்யும் சடங்கை வெற்றி முன்நின்று செய்கிறான். மேலும் மண மேடையில் யமுனாவின் அப்பா ஸ்தானத்திலிருந்து எல்லா சம்பிரதாயங்களையும் வெற்றி செய்கிறான்.
இதனால் வெற்றியை நினைத்து சக்தி நெகிழ்ச்சியாகிறாள். நடப்பதை எல்லாம் நீதிமணி பார்த்து விட்டு வெளியில் இருந்து ஆசீர்வாதம் செய்கிறார். மறுபக்கம் புஷ்பா காரில் அங்கு வந்து கொண்டிருக்கிறாள். நகைக்கடைக்காரனையும் வர சொல்ல அவனும் வந்து சேர்கிறான். மண்டபத்திற்கு வெளியே நகைக்கடைகாரனிடம் வெற்றிக்கு பயப்பட வேண்டாம் என்று கூறி புஷ்பா அழைத்து செல்கிறாள். உள்ளே கார்த்திக் யமுனாவின் கழுத்தில் தாலி கட்ட போகும் போது புஷ்பா கல்யாணத்த நிறுத்துமாறு கூறுகிறாள். அவளுடன் நகைக்கடைகாரனும் வருவதை கண்டு வெற்றி, மீனாட்சி, சக்தி என எல்லோரும் பதட்டமாகின்றனர்.
என் பத்திரத்தை வைத்து தான் கல்யாணம் செய்கிறேன் என்று மீனாட்சி சொல்ல, அது ரங்கநாயகியின் பத்திரம் என்று புஷ்பாவும் நகைக்கடைகாரனும் நடந்ததை சொல்கிறார்கள். மேலும் இன்னும் கொஞ்ச நேரத்தில் ரங்கநாயகி வருவாள் உண்மை தெரியும் என புஷ்பா சொல்ல அனைவரும் அதிர்ச்சியடைவதோடு இன்றைய எபிசோடு நிறைவடைகிறது.