விஜய் தொலைக்காட்சியில் ஒளிபரப்பாகவுள்ள புது நிகழ்ச்சியின் புரோமோ ரசிகர்களை பெரிதும் கவர்ந்துள்ளது.
தமிழ் தொலைக்காட்சிகளில் விஜய் டிவியில் ஒளிபரப்பாகும் நிகழ்ச்சிகள் எப்போதும் மற்ற சேனல்களின் நிகழ்ச்சிகளில் இருந்து வித்தியாசமாகவே இருக்கும். சீரியல்களில் டாப் ட்ரெண்டிங்கில் இருக்கும் விஜய் டிவி சூப்பர் சிங்கர், மிஸ்டர் அண்ட் மிஸ்ஸஸ் சின்னத்திரை, பிக்பாஸ், கலக்கப்போவது யாரு, குக் வித் கோமாளி உள்ளிட்ட பல நிகழ்ச்சிகளை ஒளிபரப்பி வருகிறது. இதில் குக் வித் கோமாளி ரசிகர்களின் ஆல்டைம் பேவரைட் ஷோவாக உள்ளது.
இந்த நிகழ்ச்சியின் 3வது சீசன் முடிவடையும் நிலையில் உள்ளது. இதற்கான படப்பிடிப்பு முடிவடைந்துள்ளதாக தகவல் வெளியான நிலையில் அடுத்ததாக என்ன ஷோ ஒளிபரப்பாகும் என்ற எண்ணம் ரசிகர்களிடையே ஆர்வத்தை ஏற்படுத்தியது. விரைவில் பிக்பாஸ் நிகழ்ச்சியின் 6வது சீசனும் நடக்கவுள்ளதால் எதிர்ப்பார்ப்பு எகிறியது. இதற்கிடையில் பிக்பாஸ் நிகழ்ச்சியின் மூலம் ரசிகர்களிடையே மிகப்பெரிய அளவில் பிரபலமான ராஜூ தான் புதிதாக ஒளிபரப்பாக உள்ள நிகழ்ச்சியின் ஹீரோவாகவுள்ளார்.
இதுதொடர்பான ப்ரோமோவும் வெளியாகியுள்ளது. வேர் இஸ் த பார்ட்டி..ராஜூ வூட்ல பார்ட்டி என தொடங்கும் இந்த ப்ரோமோ பாடலில் ராஜூ, தீபா, பிரியங்கா, சுனிதா, மதுரை முத்து உள்ளிட்டோர் இடம் பெற்றுள்ளனர். இந்நிகழ்ச்சி கலக்கலான காமெடி கலந்து ரசிகர்களின் எதிர்பார்ப்பை பூர்த்தி செய்யும் என எதிர்பார்க்கப்படுகிறது. அதேசமயம் டான் படத்தின் மூலம் சினிமாவில் அறிமுகமாகியுள்ள ராஜூ அடுத்தடுத்து படங்களில் நடிக்க கமிட்டாகி வருகிறார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்