சன் டிவியில் ஒளிபரப்பாகும் எதிர்நீச்சல் (Ethirneechal) தொடரின் இன்றைய (ஏப்ரல் 16 ) எபிசோடுக்கான ப்ரோமோ வெளியாகியுள்ளது.
கதிர் ஜனனிக்கு போன் செய்து "நாளைக்கு காலையிலே ஏதாவது ஒரு கோயில்ல வைச்சு சித்தார்த்துக்கும் அஞ்சனாவுக்கும் கல்யாணத்தை பண்ணி வைத்து விடலாம்" என சொல்கிறான். அதை கேட்டு சித்தார்த் அதிர்ச்சி அடைகிறான். இந்த விஷயத்தை வீட்டில் உள்ள அனைவரிடமும் ஜனனி சொல்லி பிளான் செய்கிறார்கள்.
"நாம கிளம்புவோம். நான் ஏதாவது பிளான் பண்றேன்" என ஜனனி சொல்கிறாள். ஈஸ்வரி எங்கோ கிளம்ப, குணசேகரனும் விசாலாட்சி அம்மாவும் பிரச்சினை செய்கிறார்கள். "கட்டினவனுக்கு இல்லாத உரிமை வேற யாருக்குடி இருக்கு" என விசாலாட்சி அம்மா கேட்க "கட்டிக்க சொல்லி நான் உங்ககிட்ட வந்து அழுதேனா? காலில் விழுந்து கெஞ்சினேனா?" என எதிர்த்து பேச, குணசேகரனும் விசாலாட்சி அம்மாவும் அவளை பார்த்து முறைக்கிறார்கள். இது தான் இன்றைய எபிசோடுக்கான ஹிண்ட்.
நேற்றைய (ஏப்ரல் 15 ) எபிசோடில் ஈஸ்வரியை மீண்டும் கைது செய்வதற்காக போலீஸ் வீட்டுக்கு வந்து ஈஸ்வரியை கண்டித்துவிட்டு செல்கிறார். தர்ஷினியை ஈஸ்வரியோ அல்லது அவரை சார்ந்தவர்களோ நெருங்கக்கூடாது என போலீஸ் பாதுகாப்பு கேட்கிறார் குணசேகரன்.
சக்தியிடம் இருந்து தப்பித்து வந்த சித்தார்த், ராமசாமி மற்றும் கிருஷ்ணசாமியிடம் யார் அவனை கடத்தினார்கள், என்ன நடந்தது என்பதை எல்லாம் சொல்ல அவர்கள் இந்த விஷயத்தை குணசேகரனுக்கு போன் செய்து சொல்கிறார்கள். அவர் கொடுக்கும் பிளான் படி சித்தார்த்தை அழைத்து சென்று ஒரு இடத்தில் மறைத்து வைத்துவிட்டு அஞ்சனாவையும் அவளின் அம்மாவையும் ஓட விட வைக்க சொல்கிறார். "கரிகாலனிடம் இருந்து போட்டோ ஆதாரத்தை வாங்கி கதிர் மற்றும் சக்தி மீது போலீசில் புகார் கொடுத்து கைது செய்ய வைத்து அந்த இடைப்பட்ட நேரத்தில் தர்ஷினி - சித்தார்த் கல்யாணத்தை முடித்து விடலாம்" என பிளான் சொல்கிறார் குணசேகரன்.
அஞ்சனாவையும் அவளின் அம்மாவையும் ராமசாமி ஆட்கள் விட்டுவிட அஞ்சனா வந்து ஜனனியிடம் தகவல் சொல்கிறாள். இதை பார்த்த விசாலாட்சி அம்மாவும் உமையாளும் எகிற அஞ்சனா உமையாளை எதிர்த்து பேசுகிறாள். அந்த நேரத்தில் குணசேகரன் அங்கே வந்து நல்லவர் போல பேசி உமையாளை அழைத்து செல்கிறார்.
சக்தியும் கதிரும் சந்தித்து ஒன்றாக சேர்ந்து சித்தார்த் சென்ற காரை கண்டு பிடிக்க செல்கிறார்கள். கரிகாலன் கூட்டாளி ஒருவனிடம் பணம் கொடுத்து போட்டோ ஆதாரத்தை வாங்க முயற்சிக்கிறார்கள் ராமசாமியும் கிருஷ்ணாசாமியும். அந்த நேரம் பார்த்து சக்தியும் கதிரும் அந்த வழியாக வர சித்தார்த்தை கடத்தி சென்ற காரை பார்த்து விடுகிறான் சக்தி. சித்தார்த் உள்ளே தூங்குவதை பார்த்து அந்த காரை சக்தியை ஒட்டி வர சொல்கிறான் கதிர்.
தூக்கத்தில் இருந்து எழுந்த சித்தார்த் "என்னை விட்டுவிடுங்கள் நான் எங்க அம்மாகிட்ட போய் விடுகிறேன்" என கெஞ்சுகிறான். காரையும் சித்தார்த்தையும் தொலைத்த ராமசாமி இந்த விஷயத்தை குணசேகரனுக்கு போன் செய்து சொல்கிறார்கள். இது தான் நேற்றைய எதிர்நீச்சல் (Ethirneechal) எபிசோட் கதைக்களம்.