சன் டிவியில் ஒளிபரப்பாகும் எதிர்நீச்சல் (Ethirneechal) தொடரின் நேற்றைய எபிசோடில் விசாலாட்சி அம்மாவிடம் ரேணுகா அப்பத்தா எரிந்து சாம்பலானதைப் பற்றி சொல்ல, விசாலாட்சி அம்மா அதிர்ச்சி அடைகிறார். என்ன நடந்தது என்பதை ஞானம் மூலம் தெரிந்து கொள்கிறார்.
ஜனனியும் சக்தியும் வீட்டுக்கு சோகமாக வருகிறார்கள். "இதெல்லாம் பொய் தானே ஜனனி. அப்பத்தாவ இவங்க சொத்துக்காக ஒளிச்சு வைச்சு நாடகம் தானே ஆடுறாங்க" என நந்தினி கேட்க, அப்பத்தாவின் புடவையை அவளிடம் கொடுத்து "அப்பத்தா இல்ல அக்கா. இவங்க எல்லாரும் சேர்ந்து அப்பத்தாவ கொன்னுட்டாங்க" என சொல்லிக் கதறுகிறார். வீடே ஒரே ஒப்பாரியாக இருக்கிறது.
"சும்மா கொன்னுட்டோம்ன்னு நாடகம் ஆடாதீங்க. அந்தக் கிழவி எங்களுக்கு செய்த பாவத்துக்கு தான் இப்படி ஒரு சாவு அது வந்து இருக்கு" என ஞானம் சத்தம் போட "கொஞ்சம் மிஸ் ஆகியிருந்தா நாங்களும் இப்படி தான் பீஸ் பீஸா போய் இருப்போம்" என கரிகாலன் சொல்ல "அப்படி தானே டிராமா போட்டு இந்த ஊர நம்ப வைச்சு இருக்கீங்க. பக்கவா பிளான் போட்டு அப்பத்தாவை சாய்ச்சுபுட்டானுங்க" என சக்தி கோபத்தில் எகிறுகிறான்.
வீடே துக்கத்தில் மூழ்கி இருக்க, ஈஸ்வரி வெண்பாவை அழைத்துக் கொண்டு வீட்டுக்கு வருகிறாள். விசாலாட்சி அம்மாவும் ஞானமும் மாடியில் இருப்பதால் அவர்களிடம் பேசுவதற்காக ஈஸ்வரி மாடிக்கு செல்கிறாள். "ஜீவானந்தத்தை போலீஸ் கைது செய்துட்டாங்க" என ஈஸ்வரி சொல்லவும், "தப்பு பண்ணவன் தண்டனையை அனுபவிக்க தான் வேணும். இப்ப அவனுக்காக வக்காளத்து வாங்க வந்துட்டியா?" என விசாலாட்சி அம்மா கேட்க, ஆத்திரமடைந்த ஈஸ்வரி "போதும் நிறுத்துங்க அத்தை" என கத்துகிறாள். அதைப் பார்த்து அனைவரும் அதிர்ச்சி அடைகிறார்கள். அத்துடன் நேற்றைய எதிர்நீச்சல் எபிசோட் முடிவுக்கு வந்தது.
அதன் தொடர்ச்சியாக இன்றைய எபிசோடுக்கான ப்ரோமோ வெளியாகியுள்ளது :
ஈஸ்வரி சத்தம் போடுவதைக் கேட்டு அனைவரும் மாடிக்கு வருகிறார்கள். பேச்சு முத்திப்போக சக்தி உண்மையை உடைக்கிறான். "அந்த மனுஷன் ஜீவானந்தத்தின் பொண்டாட்டியை கொன்னது உங்க அண்ணன் தான். அன்னைக்கு மட்டும் போலீசுக்கு போய் இருந்தோம் என வை, இன்னைக்கு உன்னோட பிள்ளைங்க எல்லாம் ஜெயிலுக்குள்ள இருந்து இருப்பாங்க" என சொன்னதும் ஞானமும் விசாலாட்சி அம்மாவும் அதிர்ச்சி அடைகிறார்கள்.
அதை நம்பாத ஞானம் "என்ன எல்லாரும் சேர்ந்து நாடகம் போடுறீங்களா?" எனக் கேட்க, கோபமான ரேணுகா "உங்க அண்ணன் வேட்டியை பிடுச்சுக்கிட்டு சுத்தி வரல. ஜீவானந்தம் பொண்டாட்டியை யார் கொன்னதுனு போய் கேளு" எனக் கத்துகிறாள். குழம்பி போய் நிற்கிறான் ஞானம். இது தான் இன்றைய எதிர்நீச்சல் (Ethirneechal) எபிசோடுக்கான ஹிண்ட்.