Siragadikka Aasai serial July 2 : விஜய் டிவியில் ஒளிபரப்பாகும் சிறகடிக்க ஆசை சீரியலின் இன்றைய எபிசோடில் மீனாவும் முத்துவும் பாட்டியின் பிறந்தநாளுக்கு செயின் வாங்கி கொடுப்பதற்காக தன்னுடைய நகையை கொடுக்கிறார்கள். ஆனால் கடைக்காரர் அந்த நகை கவரிங் நகை என சொன்னதும் இருவருக்கும் பயங்கரமான அதிர்ச்சியாக இருக்கிறது. முத்துவுக்கு கோபம் வந்து கடைக்காரர்கள் தான் நகையை கவரிங் நகையாக மாற்றி விட்டார்கள் என சத்தம் போடுகிறான். அதற்குள் நகைக் கடையின் உரிமையாளர் வந்து விடுகிறார். மீனாவை ஏற்கெனவே தெரியும் என்பதால் பொறுமையாக விசாரித்து போலீசுக்கு எல்லாம் போன் செய்ய வேண்டாம் என அனுப்பி வைக்கிறார்.
"முத்து: நான் அப்பாவுக்கு போன் பண்ணி இந்த விஷயத்தை சொல்ல போறேன். இந்த திருட்டு வேலையை எல்லாம் அந்த வெட்டிப் பய மனோஜ் தான் செய்வான். அம்மாவை ஏமாத்தி இப்படி செய்து இருப்பான். நீ வீட்டுக்கு கிளம்பு. அவன் கடையில் தான் இருப்பான். நாலு சாத்து சாத்தி அவன் வாயில் இருந்து உண்மையை சொல்ல வைக்குறேன்" என்கிறான்.
"மீனா: கொஞ்சம் பொறுமையா இருங்க. பாட்டி அவங்களோட 80வது பிறந்தநாளை நம்ம எல்லார் கூடவும் சந்தோஷமா கொண்டாட தான் இங்க வராங்க. அவங்க வரும் போது வீட்டில் பிரச்சினை வேணாம். இப்போ தான் ரூம் பிரச்சினை இல்லாமல் வீடு கொஞ்சம் நிம்மதியா இருக்கு. அவங்க வர சமயத்துல வீட்டில் இப்படி ஒரு விஷயம் நடந்ததுன்னு தெரிஞ்சா அவங்க ரொம்ப மனசு கஷ்டப்படுவாங்க. அவங்க இந்த பங்க்ஷன் முடிஞ்சு ஊருக்கு கிளம்புற வரைக்கும் கொஞ்சம் உங்க கோபத்தை கொஞ்சம் தள்ளி வைச்சுட்டு பொறுமையா இருங்க. நீங்க எதுவும் பிரச்சினை பண்ண மாட்டேன் என என் மேல சத்தியம் பண்ணுங்க" என்கிறாள்.
அண்ணாமலை, ரவி மற்றும் ஸ்ருதி பலூன் எல்லாம் ஊதி வீட்டை அலங்காரம் செய்கிறார்கள். மனோஜ் எனக்கு அது எல்லாம் தெரியாது என ஒதுங்கி கொள்கிறான். அண்ணாமலை ரோகிணியை ஸ்ருதிக்கு உதவி செய்ய சொல்கிறார். மீனாவும் முத்துவும் நகையை எடுத்துக்கொண்டு எங்கே போனார்கள் என தெரியாமல் ஒரே படபடப்பாக வாசலையே பார்த்துக் கொண்டு நிற்கிறாள் விஜயா. அந்த நேரத்தில் மீனாவும் முத்துவும் வீட்டுக்கு வருகிறார்கள்.
“ஸ்ருதி: பாட்டிக்கு பரிசு வாங்க தானே நீங்க வெளியே போனீங்க? என்ன சர்ப்ரைஸ் கிப்ட்டா?” எனக் கேட்கிறாள்.
முத்துவை அண்ணாமலை பலூன்களை ஊத சொல்ல, முத்து கோபத்தில் பலூனை பெரிசாக ஊதி உடைத்துவிடுகிறான். அவன் டென்ஷனாக இருப்பதைப் பார்த்த அண்ணாமலை என்ன நடந்தது என விசாரிக்க அவரை சமாதானம் செய்து வைக்கிறான் முத்து.
ரோகிணிக்கு கிரிஷ் போன் செய்து பேசுகிறான். அதைப் பார்த்த மனோஜ் ரோகிணியிடம் விசாரிக்க, அவள் வழக்கம் போல ஏதோ கதை சொல்லி மனோஜை சமாளித்து விடுகிறாள்.
"ரோகிணி: பாட்டிக்கு நாம ஒரு மோதிரம் பரிசா கொடுக்கலாமா?
மனோஜ்: அதெல்லாம் தேவை இல்லை. ஒரு புடவை வாங்கி கொடுக்கலாம் அது போதும்" என்கிறான்.
ஸ்ருதியும் ரவியும் பாட்டிக்கு என்ன கிப்ட் பண்ணலாம் எனப் பேசிக்கொண்டு இருக்கிறார்கள். ஸ்ருதி ஒரு காஸ்ட்லியான போன் வாங்கி கொடுப்பதாக சொல்கிறாள். ரவி பாட்டியாக வித்தியாசமான ஒரு கேக் செய்து அசத்தப்போவதாக சொல்கிறான். இது தான் இன்றைய சிறகடிக்க ஆசை எபிசோட் கதைக்களம்.