தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகி வரும் பிரபலமான சீரியல் சீதா ராமன். இந்த சீரியலில் நேற்றைய எபிசோடில் சீதாவுக்கு சாப்பாடு வைக்காமல் மகா டீம் குப்பை தொட்டியில் கொட்டிய நிலையில், இன்று நடக்கப் போவது என்ன என்பது குறித்து பார்க்கலாம்.
அதாவது, செல்வி தனக்கு வைத்திருந்த சாப்பாட்டை எடுத்து வந்து சீதாவிற்கு கொடுக்க, காவியா அதெல்லாம் கொடுக்கக் கூடாது என தடுத்து நிறுத்தி துரத்தி விட, செல்வி மீராவுக்கு போன் போட்டு மீண்டும் நடந்த விஷயங்களை சொல்கிறாள்.
இங்கே சீதா பசியில் துடித்துக் கொண்டிருக்க, மறுநாள் வீட்டிற்கு வரும் மீரா, காவியாவை அறைந்து குப்பைத் தொட்டியில் கொட்டிய சப்பாத்தியை எடுத்து காவியாவை சாப்பிட வைத்து பதிலடி கொடுக்கிறாள். இதனால் அவள் கண்ணீருடன் அர்ச்சனாவுக்கு தகவல் கொடுக்கிறாள்.
அதன் பிறகு வீட்டிற்கு வந்து மீராவுடன் சண்டை போட, “எனக்கு இந்த வீட்டில் தங்க எல்லா உரிமையும் இருக்கு, உங்களுக்கு என்ன இருக்கு?” என பதிலடி கொடுக்கிறாள். உடனே நான் மகாவை வர சொல்றேன் என அர்ச்சனா அங்கிருந்து வெளியே வருகிறாள். மீரா தனது வீட்டில் இருந்து எடுத்து வந்த சாப்பாட்டை சீதாவுக்கு ஊட்டி விடுகிறாள்.
அடுத்ததாக அர்ச்சனா சுபாஷூக்கு போன் செய்து மீரா பேசியதை சொல்லி உடனே வீட்டிற்கு வர சொல்கிறாள். சொத்துக்களை நமது பெயருக்கு மாற்ற வேண்டும் என சொல்கிறாள். இருவரும் அதற்கான வேலையில் இறங்குகின்றனர். இப்படியான நிலையில் இன்றைய சீதா ராமன் சீரியலை எபிசோட் நிறைவடைகிறது.