நீயா? நானா?
பிக்பாஸ், அது இது எது, ஸ்டார் மியூசிக் போன்ற ரியாலிட்டி ஷோக்களுக்கு பெயர்போனது விஜய் தொலைக்காட்சி. அந்த வரிசையில் பிரபலமான நிகழ்ச்சிகளில் ஒன்றுதான் “நீயா நானா” (Neeya Naana). சமூகத்தில் நிலவும் பிரச்னைகளை, சாதாரண மனிதர்களை இரண்டு குழுக்களாகப் பிரித்து இரு தரப்பினரின் கருத்துகளையும் கேட்டு ஆராயும் நிகழ்ச்சியாக நீயா நானா பல ஆண்டுகளாக லைக்ஸ் அள்ளி வருகிறது.
வாரந்தோறும் ஞாயிற்றுகிழமை நண்பகல் 12 மணிக்கு ஒளிபரப்பாகும் இந்த ஷோவை கோபிநாத் தொகுத்து வழங்கி வருகிறார். 2006-ஆம் ஆண்டு தொடங்கப்பட்ட இந்நிகழ்ச்சியில் இதுவரை பலதரப்பட்ட தலைப்புகள் குறித்து பேசப்பட்டு வருகிறது. அந்த வகையில், இந்த வாரம் “வரவு எட்டணா செலவு பத்தணா” என்ற தலைப்பில் விவாதம் நடந்தது.
அதாவது வாங்கும் சம்பளத்தில் செலவுகளை அடக்க முடியுமா? இல்லையா? என்பதுதான் இந்த விவாதத்தின் பொருள். இதனடிப்படையில் செலவுகளை கட்டுப்படுத்த முடியாமல் திணறுபவர்கள் ஒரு பக்கம், வரவுக்குள் செலவுகளை அடக்க ஐடியா கொடுப்பவர்கள் இன்னொரு பக்கம் என நிகழ்ச்சி சென்றது.
ஷேம்புவுக்கு பதில் சீயக்காய்:
செலவுகளை கட்டுப்படுத்த முடியாமல் திணறுபவர்களின் தரப்பில் இருக்கும் பெண் ஒருவர், "100 ரூபாய் வருது என்றால் 105 ரூபாய்க்கு செலவு ஆகுது. ஒரு 3 ரூபாய் ஷேம்ப்பு கூடு இப்போ 4 ரூபாய் ஆகிவிட்டது.
மேலும், சின்ன சின்ன மளிகை கடைக்கு இப்போ யாரு வராங்க? எல்லாரும் மொத்த விற்பனை கடை, மாலுக்கு சென்றுதான் அனைத்து பொருட்களை வாங்குறாங்க. இதுல எங்கள மாறி சின்ன கடை நடத்துபவர்களுக்கு எங்கிருந்து வருமானம் வரும். நாங்க எங்க சேமிக்க முடியும்?” என்று ஒரு பெண் கேள்வி எழுப்பினார்.
இதற்கு மற்றொரு தரப்பில், ”விலையேற்ற பிரச்சனை என்பது இன்றைக்கு நேற்கைக்கு பிரச்சனை அல்ல. 50 ஆண்டுக்கு முன்னாடி ஒரு ரூபாய்க்கு இருந்த பொருள் 50, 100, 1000 என போயிடுச்சு. ஆனா, இதை எப்படி பிளான் பண்ண முடியும் என்றால் வருமானத்திற்குள்ள கொஞ்சமாவது சேமிக்க வேண்டும். மேலும், உங்களுக்கு வீட்டுக்கு தேவையான பொருட்கள் பாக்கெட்டுகளில் வாங்க கஷ்டமாக இருந்தால் மொத்தமாக ஒரு கேனை வாங்கி வைக்கலாம்.
அதற்கு எதிர்தரப்பில் இருந்த ஒரு பெண், எங்களால மூன்று ரூபாய் கொடுத்து ஒரு பாக்கெட் ஷாம்ப்பூ கூட வாங்க முடியில தான் நாங்க சொல்லிட்டு இருக்கோம். ஆனா இவங்க டப்பா முழுக்க வாங்க வைக்கணும் என்றால் நாங்க எங்கப் போகிறது என்று கேட்க, அதற்கு இன்னொரு நபர், ஆரம்பத்தில் நாம எப்படி பயன்படுத்தினோம்.
அப்ப எல்லாம் சீயக்காயை அரைச்சுதானே பயன்படுத்தினோம். அதுபோல இப்பவும் பயன்படுத்த வேண்டியதுதானே என்று கேட்க, இதை கேட்ட கோபிநாத் கோபமாகி உங்களுக்கு கோபம் வருதா? எனக்கும் கோபம் வருது என்றார்.