சின்னத்திரை ரசிகர்களின் பெரிய பொழுதுபோக்காக இருப்பது சீரியல்கள். ஒவ்வொரு சேனலும் காலை முதல் இரவு வரை போட்டி போட்டு கொண்டு ஏராளமான சீரியல்களை ஒளிபரப்பி வருகிறார்கள். ஒளிபரப்பாகும் தொடர்களின் நடிகர் நடிகைகள், கதைக்களம், புரமோஷன் உள்ளிட்டவையை மையமாக வைத்து ரசிகர்களின் கவனம் பெற்று வருகிறது. அந்த வகையில் முன்னணி தொலைக்காட்சி சேனல்களாக இருக்கும் சன் டிவி, விஜய் டிவி மற்றும் ஜீ தமிழ் தொலைக்காட்சியில் டி.ஆர்.பி ரேட்டிங்கின் படி முன்னணி வகிக்கும் சீரியல்களை பற்றி தெரிந்து கொள்ளலாம்.
சன் டிவி :
சன் டிவியில் ஒளிபரப்பாகும் எதிர் நீச்சல் தொடர் தான் டி.ஆர்.பி ரேட்டிங்கில் முதலிடம் பிடித்துள்ளது. கடந்த சில வாரங்களாக மிகவும் பரபரப்பான கதைக்களத்துடன் ஒளிபரப்பான எதிர் நீச்சல் தொடரை ஏராளமான ரசிகர்கள் ஆவலுடன் ரசித்து வந்தனர். அதனால் இந்த வாரமும் 11.6 புள்ளிகள் பெற்று டி.ஆர்.பி ரேட்டிங்கில் முன்னிலை வகிக்கிறது எதிர் நீச்சல். இரண்டாவது இடத்தில் இருக்கும் கயல் தொடர் 10.88 புள்ளிகளையும் சுந்தரி தொடர் 9.85 புள்ளிகளுடன் மூன்றாவது இடத்தையும் பெற்றுள்ளது. அண்ணன் தங்கையை மையமாக வைத்து ஒளிபரப்பாகும் வானத்தை போல தொடர் 9.71 புள்ளிகளுடன் நான்காவது இடத்திலும் 9.62 புள்ளிகளுடன் இனியா தொடர் ஐந்தாவது இடத்தையும் கைப்பற்றியுள்ளது.
விஜய் டிவி :
விஜய் டிவி தொடர்களுக்கு ரசிகர்கள் மத்தியில் என்றுமே ஒரு சிறப்பான வரவேற்பு இருக்கும். அந்த வகையில் ப்ரைம் டைமில் ஒளிபரப்பாகும் பாக்கியலட்சுமி தொடர் 8.74 புள்ளிகள் பெற்று முதலிடத்தை பிடித்துள்ளது. பாண்டியன் ஸ்டோர்ஸ் தொடர் 7.93 புள்ளிகளுடன் இரண்டாவது இடத்தையும் சில மாதங்களுக்கு முன்னர் தொடங்கப்பட்ட சிறகடிக்க ஆசை தொடர் 6.59 புள்ளிகளையும் பெற்று மூன்றாவது இடத்திலும் உள்ளது. அடுத்தடுத்த இடங்களில் 6.00 புள்ளிகளுடன் ஈரமான ரோஜாவே 2 மற்றும் 5.63 புள்ளிகளுடன் ஆஹா கல்யாணம் தொடர் கைப்பற்றியுள்ளது.
ஜீ தமிழ் :
ஜீ தமிழ் தொலைக்காட்சியில் ஒளிபரப்பாகும் கார்த்திகை தீபம் தொடர் 6.20 புள்ளிகளுடன் முதல் இடத்தை பிடித்துள்ளது. 4.83 புள்ளிகளுடன் இரண்டாவது இடத்தில் மாரி தொடரும், 4.75 புள்ளிகளுடன் மூன்றாவது இடத்தில் மீனாட்சி பொண்ணுங்க சீரியலும் உள்ளது. நான்காவது இடத்தில் 4.64 புள்ளிகளுடன் சீதா ராமன் தொடரும் 4.17 புள்ளிகளுடன் அண்ணா தொடர் ஐந்தாவது இடத்தையும் பிடித்துள்ளது.