ஜீ தமிழ் தொலைக்காட்சியில் ஒளிபரப்பாகும் தொடர்களில் மிகவும் பிரபலமான தொடர் கார்த்திகை தீபம் ஆகும். திங்கள் முதல் சனி வரை இரவு 9 மணி வரை ஒளிபரப்பாகி வரும் இந்த தொடருக்கு ஏராளமான ரசிகர்கள் உள்ளனர். இந்த சீரியலில் நேற்றைய எபிசோடில் அபிராமி சாமுண்டீஸ்வரியின் மகள்களை பார்க்க கோவிலுக்கு வந்திருந்த நிலையில், அனைவரும் சேர்ந்து போட்டோ எடுத்துக் கொண்டதை தொடர்ந்து இன்று நடக்கப் போவது என்ன என்பது பார்க்கலாம்.
சிவனாண்டி திட்டும் அம்மா:
அபிராமி சாமுண்டீஸ்வரியின் மகள்களை பார்த்துவிட்டு ரேவதியிடம் தன்னை அத்தை என கூப்பிட சொல்லி ஆசைப்படுகிறார். ரேவதியும் அத்தை என சொல்லி கூப்பிட அந்த சந்தோஷத்துடன் அங்கிருந்து கிளம்புகிறாள் அபிராமி.
இந்த சூழலில், சிவனாண்டி குடும்பத்தில் அவனது அம்மா இறந்து போன தன்னுடைய கணவரின் போட்டோ முன்னாடி நின்று "இவருடைய சாவுக்கு காரணம் அந்த சாமுண்டீஸ்வரி. அவ இன்னும் உயிரோட இருக்கா.. உன் அப்பாவ கொன்னவள இன்னும் எதுவும் பண்ணாம சும்மா இருக்க" என சிவனாண்டியை திட்டுகிறாள்.
தனது கணவனுக்கு பிடித்தது எல்லாம் செய்து படையல் போட்டு அதை சிவனாண்டிக்கு கொடுத்து சாப்பிட சொல்ல, சிவனாண்டியும் ரசித்து ருசித்து சாப்பிட "என்ன நீ! அந்த சாமுண்டீஸ்வரியை எதுவும் பண்ணல" என கோபப்பட, அவன் "போன வாரம் கூட ரெண்டு ஆட்களை அனுப்பி இருந்ததாக சொல்ல" "உன் அப்பாவ கொன்னவளை உன் கையால தான் கொல்லனும்" என திட்டுகிறாள்.
சாமுண்டீஸ்வரியை கொல்ல சதி:
இதைத்தொடர்ந்து சிவனாண்டி தன்னுடைய மனைவி சந்திரகலாவுக்கு போன் போட்டு சாமுண்டீஸ்வரி என்ன பண்றா? என்று விசாரிக்க, செங்கல் சூளைக்கு கிளம்பி கொண்டிருப்பதாக சொல்கிறாள். சிவனாண்டி இன்னையோட அவ கதை முடிந்தது என்று சொல்ல, சந்திரகலா கார்த்தியை அங்க வர விடாமல் பார்த்துக் கொள்கிறேன் என சொல்லி போனை வைக்கிறாள்.
இதைத் தொடர்ந்து சிவனாண்டி சாமுண்டீஸ்வரியை கொலை செய்ய சூளைக்கு கிளம்ப தயாராக, இங்கே ஸ்வேதா சாமுண்டீஸ்வரியை யாரோ அரிவாளால் வெட்டுவது போல கனவு கண்டு அழுகிறாள். இந்த விஷயத்தை சாமுண்டீஸ்வரியிடமும் சொல்கிறாள். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.