ரசிகர்களின் பேராதரவைப் பெற்ற நாகினி சீரியலின் 6வது சீசன் இன்று (அக்டோபர் 3) முதல் மீண்டும் கலர்ஸ் தமிழ் சேனலில் ஒளிபரப்பாகிறது. 


அக்டோபர் 3 முதல் அக்டோபர் 15 வரை இரவு 8:30 மணிக்கு நாகினி 6 இன் Story So Far (SSF) எபிசோட்களை கலர்ஸ் தமிழ் ஒளிபரப்புகிறது. தேஜஸ்வி பிரகாஷ், சிம்பா நாக்பால், ஊர்வசி தோலக்கியா ஆகியோர் முக்கிய வேடங்களில் நடித்துள்ள இந்த சீரியல் திங்கள் முதல் வெள்ளி வரை இரவு 8.30 மணிக்கு  தொடங்கி தினமும் ஒரு மணி நேர எபிசோடாக ஒளிபரப்பாக உள்ளது.


இது முந்தைய சீசன்களைப் போல இல்லாமல் இந்த நாகினி சீசன் 6 புதிய கான்செப்ட்டைக் கொண்டுள்ளது. அதன்படி வழக்கமான பழிவாங்கும் காதல் கதையாக இல்லாமல்நாகின்கள் உயிரியல் போரிலிருந்து நாட்டைக் காப்பாற்ற போராடும் சூப்பர் ஹீரோக்களாக சித்தரிக்கப்பட்டு இருக்கிறார்கள். ஏக்தா கபூர் தயாரித்த நாகினி 6 சீரியல் , சிறந்த கிராஃபிக் நாடகத்துடன் கூடிய இயற்கைக்கு அப்பாற்பட்ட கதைக்களம் கொண்டது, இந்தி மற்றும் தமிழ் ஆகிய இரு மொழிகளிலும் பார்வையாளர்களின் கவனத்தை ஈர்த்துள்ளது.


 நாகினி சீரியல் தொற்றுநோயைப் பரப்பி பாரதத்திற்கு தீங்கு விளைவிக்க எதிரி நாடான சிங்கிஸ்தானுடன் கைகுலுக்கிய நாட்டின் துரோகிகளை வேட்டையாடுகிறது. மேலும் இதில் வங்கிக் கொள்ளை முழுவதையும் வழிநடத்திய Money Heist வெப் சீரிஸின் பேராசிரியரைப் போலவே, நாகினி 6 சீரியலுக்கும் ஒரு பேராசிரியர் இருக்கிறார். துறவிகள் மற்றும் முனிவர்களைக் கூட்டி, நாட்டில் நடக்கும் பேரழிவை பேராசிரியர் கண்டுபிடித்து, அதைப் பற்றி அறிவிப்பதில் தான் இந்த  சீசன் தொடங்கியது.



பண்டைய சமுத்திர மைந்தனை மையமாக வைத்து பணத்திற்காக நாட்டிற்கு எதிராக சதி செய்யும் இருபது அசுரர்களை கண்டுபிடித்து கொல்வதே நாகினியின் கதையாகும். நாகினியின் முந்தைய அனைத்து அத்தியாயங்களிலும், நாகமணி என்று அழைக்கப்படும் மகத்தான சக்தியால் நிரப்பப்பட்ட ஒரு மனிதனை நித்தியமாக்கும் ஒரு பாம்பை பார்த்தோம்.  நாகினியின் சீசன் 6 என்பது முந்தைய சீசன்களின் தொடர்ச்சி என்பது நம் அனைவருக்கும் தெரியும். 


அதில் நாகினியின் கதையின் மையமாக நாகமணி மற்றும் சூர்யவன்ஷி குடும்பம் இருந்த இடம் இன்னும் பற்றிய தகவல்கள் வெளிவரவில்லை. 
நாகினிகள் தங்களுக்கு ஒதுக்கப்பட்ட பணியில் பலவீனமாகும்போது அவர்களைக் காப்பாற்ற வரக்கூடிய எல்லையற்ற சக்திகளைக் கொண்ட நாகமணி படத்தில் வரும்போது தான் அந்த புதிர் நமக்குத் தெரியும். நாகினி சீரியல்களை கலர்ஸ் தமிழிலும், ஜியோசினிமாவிலும் டிஜிட்டல் முறையில் 30 நிமிட எபிசோடுகளாகப் பார்க்கலாம் என்பது குறிப்பிடத்தக்கது. 



மேலும் படிக்க: EthirNeechal: எதிர்நீச்சல் சீரியலின் நேரம் திடீர் மாற்றம்.. அதிர்ச்சியில் ரசிகர்கள்.. என்ன காரணம்?