விஜய் டிவியில் ஏராளமான சீரியல்கள் ஒளிபரப்பாகி வருகின்றன. அந்த வகையில் திங்கள் முதல் சனி வரை இரவு 8.30 மணிக்கு ஒளிபரப்பாகும் தொடர் பாக்கியலட்சுமி. சின்னத்திரை ரசிகர்கள் மத்தியில் நல்ல வரவேற்பை பெற்று டி.ஆர். பி ரேட்டிங்கில் முன்னணியில் இருக்கும் இந்த சீரியல் மிகவும் பரபரப்பாகவும் கலகலப்பாகவும் ஒளிபரப்பாகி வருகிறது.
குடும்ப தலைவனான கோபி தனது மனைவி பாக்கியா உடன் பெரிய ஈடுபாடு இல்லாமல் வாழ்ந்து வந்த நிலையில் தனது இளமை கால காதலி ராதிகாவை பார்த்த பிறகு மீண்டும் கல்லூரி நாட்களுக்கு சென்றது போல ஒரு ரோமியோவாக அவள் பின்னாலேயே சுற்றி வந்து கொண்டிருந்தார். வீட்டுக்கு தெரியாமல் ராதிகாவுடன் தொடர்பில் இருந்த கோபி தனது மனைவி பற்றி இல்லாதது பொல்லாதது எல்லாம் சொல்லி ராதிகாவை ஏமாற்றி வந்தார். பாக்கியாவும் ராதிகாவும் நெருங்கிய தோழிகளாக இருந்த போதிலும் அவர்கள் இருவர் கண்ணிலும் விரலை விட்டு ஆட்டிய கோபியின் உண்மையான முகம் ஒரு நாள் பாக்கியாவுக்கு தெரிய வந்தது.
பல நாள் திருடனாக இருந்து பெற்றவர்கள், மனைவி, பிள்ளைகளை ஏமாற்றிய கோபியின் சுயரூபம் தெரிந்த பிறகு இத்தனை நாட்களாக அப்பாவித்தனமான ஒரு குடும்ப பெண்மையாக இருந்த பாக்கியா ஒரு புயலை போல கிளம்பி கோபியை வெளுத்து எடுத்துவிட்டார். கடந்த ஆண்டு இந்த நாளில் தான் அந்த கோபி பற்றியும் அவருக்கு ராதிகாவுக்கும் இடையில் இருக்கும் உறவு பற்றி குடும்பத்துக்கு தெரிய வந்தது.
அந்த நாள் பாக்கியாவின் வாழ்க்கையை புரட்டி போட்ட நாள். அன்று தொடங்கிய பாக்கியாவின் வெற்றி பயணம் இன்று வரை சிறப்பாக பயணித்து வருகிறது. ராதிகாவுக்காக குடும்பத்தை இழந்த கோபி தான் சிக்கி சின்னாபின்னமாகி வருகிறார்.
பாக்கியா லட்சுமி சீரியல் தொடங்கியது முதல் இன்று வரை வெற்றி நடைபோட முக்கியமான காரணமாக இருப்பது கோபி கதாபாத்திரம். அசத்தலான நடிப்பால் உண்மையாகவே ரசிகர்களின் ஒட்டுமொத்த வெறுப்பையும் சம்பாதித்துள்ளார். அதுதான் அவரின் நடிப்புக்கு கிடைத்த வெகுமானம்.
இடியட் இடியட் என எந்நேரமும் பாக்கியாவை ஒன்றும் உதவாதவள், படிக்காத முட்டாள் என உதாசீனப்படுத்திய கோபி இன்று பாக்கியாவின் வளர்ச்சியை அண்ணாந்து பார்த்தாலும் அவரால் பாக்கியாவின் வளர்ச்சியை ஏற்றுக்கொள்ள முடியவில்லை. பரபரப்பாக ஒளிபரப்பாகி வரும் பாக்கியலட்சுமி தொடரில் கலகலப்புக்கும் ஸ்வாரஸ்யத்திற்கும் குறைவே இல்லை.
விஜய் டிவி ரசிகர்களின் மிகவும் அபிமான தொடராக ஒளிபரப்பாகி வரும் இந்த பாக்கியலட்சுமி தொடரில் பாக்கியாவை ஏமாற்றிய இந்த நாளை பாக்கியாவே மறந்தாலும் ரசிகர்கள் நிச்சயம் மறக்கமாட்டார்கள்.