விஜய் டிவியில் ஒளிபரப்பாகும் பாக்கியலட்சுமி தொடரின் இன்றைய எபிசோடில் மாலினி செழியனுக்கு சர்ப்ரைஸாக வாட்ச் ஒன்றை பரிசளிக்கிறாள். செழியன் ரொம்ப நாளாக ஆசைப்பட்ட வாட்ச் என்பதால் அவன் மிகவும் சந்தோஷமாக இருக்கிறான்.
கணேஷ் வீட்டுக்கு அமிர்தாவின் அம்மா வந்து "இனி கணேஷ் அமிர்தாவின் வாழ்க்கையில் தலையிடக் கூடாது. அமிர்தாவுக்கு இன்னொரு கல்யாணம் ஆனது உங்க பையனுக்கு தெரியாம பாத்துக்குறது உங்களோட பொறுப்பு. பொண்டாட்டி பிள்ளை என சொல்லிக்கிட்டு அவர் உறவு கொண்டாடிட்டு வந்து நிக்க கூடாது. பாவம் அவளும் ஒரு பொண்ணு தானே.
கணேஷ் மேல அவளும் உயிரா தான் இருந்தா. அவர் இறந்த பிறகும் மாமியார் மாமனார் என உங்க கூட தான் இருந்தா. இந்த இரண்டு வருஷம் அவ பட்ட கஷ்டம் போதும். அவளுக்கு இப்ப தான் நிம்மதியா ஒரு வாழ்க்கை அமைஞ்சு இருக்கு. நிலாவுக்கும் அப்பானா அது எழில் முகம் தான் தெரியும். இப்போ போய் குழந்தை கிட்ட எழில் உன்னுடைய அப்பா இல்லை, கணேஷ் தான் உன்னோட அப்பான்னு சொல்லமுடியுமா? அவளை தயவு செஞ்சு வாழ விடுங்கள்" என கணேஷ் அம்மா அப்பாவிடம் சொல்லிக்கொண்டு இருக்கிறார்.
அந்த நேரம் கணேஷ் வர அமிர்தாவின் அம்மா பேசாமல் கிளம்பிவிடுகிறார். கணேஷ் அமிர்தா எங்கே எனத் தேடுகிறான். "நீ இனிமேல் அமிர்தாவை தேடி வரக்கூடாது என சொல்லிட்டு போறாங்கப்பா" என கணேஷிடம் சொல்கிறார் அவனின் அம்மா. "அவ என்னோட பொண்டாட்டி. நீங்க ஒளிச்சு வைச்சா என்னால தேடி கண்டுபிடிக்க முடியாதா? நான் நிச்சயமா அமிர்தாவை தேடிக் கண்டுபிடிப்பேன்" என சொல்லிவிட்டு கோபமாக ரூமுக்குச் சென்று விடுகிறான்.
கோபி ஆபிசில் மிகவும் டென்ஷனாக இருக்கிறார். அவரின் அக்கவுண்டில் பணம் போடவேயில்லை என்பதை பார்த்துவிட்டு மேனேஜரை அழைத்து சத்தம் போடுகிறார். அந்த நேரம் பார்த்து கோபியின் ஃப்ரெண்ட் செந்தில் அங்கே வந்து எனக்கு அவசரமா பணம் தேவைப்படுது என்பதால் வாங்கின பணத்தை திருப்பி கொடுக்க சொல்லி கேட்கிறார்.
கோபி தனக்காக ஒரு லோன் போட்டு கொடுக்க சொல்லி நண்பரிடம் கேட்டிறார். "எனக்கும் பணம் தேவைப்படுது, உன்னுடைய பணத்தையும் கொடுத்துடுவேன்" என்கிறார் கோபி. "ஏன் உனக்கு லோன் எடுத்து குடுத்துட்டு அதுக்கும் சேர்த்து நான் பணம் கட்டவா. நீ வேலையே பார்க்காமல் பாக்கியா பின்னாடியே சுத்திகிட்டு இருக்க" என்கிறார் கோபியின் பிரெண்ட்.
பாக்கியா ராதிகாவை பார்த்து கேன்டீன் விஷயமாக பேசுவதற்காக ராதிகாவின் ஆபிசுக்கு வருகிறாள். நான் கொஞ்சம் வேலையா இருக்கேன் என சொல்லி பாக்கியாவை ரொம்ப நேரம் வெயிட் செய்ய வைக்கிறாள் ராதிகா.
பிறகு அனைவருக்கும் முன்னாடி நிற்கவைத்து "ஆறு மாசம் காண்ட்ராக்ட் முடிஞ்சுடுச்சு. உங்களோட இனி கேன்டீன் கான்ட்ராக்ட் தொடர விருப்பமில்லை" என்கிறாள் ராதிகா. "அதற்கான காரணம் என்ன? நான் கோடீஸ்வரன் சார் கிட்ட பேசணும்" என பாக்கியா கேட்கிறாள். "அவர் அமெரிக்கா போயிட்டார். வரதுக்கு இரண்டு மாசம் ஆகும். எங்கிட்ட தான் பொறுப்பை கொடுத்துட்டு போயிருக்கார்" என சொல்கிறாள் ராதிகா. பாக்கியாவும் செல்வியும் இதைக் கேட்டு அதிர்ச்சி அடைகிறார்கள். அத்துடன் இன்றைய பாக்கியலட்சுமி எபிசோட் முடிவுக்கு வந்தது.