மேடையில் முட்டிக்கொண்ட அருண் பாண்டியன் - அமீர்
நடிகரும், இயக்குநருமான அமீர் சமீபத்தில் நடைபெற்ற படத்தின் நிகழ்ச்சி ஒன்றில் பங்கேற்றார். அந்த நிகழ்ச்சியில் பங்கேற்று பேசிய நடிகரும், தயாரிப்பாளருமாகிய அருண்பாண்டியன் தமிழ் சினிமா பின்னோக்கி சென்று கொண்டிருப்பதாக பேசினார். இந்த நிலையில், அந்த மேடையில் பேசிய அமீர் அருண்பாண்டியன் கருத்துக்கு மறுப்பு தெரிவித்தார்.
கே.ஜி.எஃப் 2 - வசூலில் சாதனை
யஷ் நடிப்பில் பிரசாந்த் நீல் இயக்கத்தில் கடந்த 14 ஆம் தேதி வெளியான கே.ஜி.எஃப் 2 திரைப்படம் மிகப்பெரிய வரவேற்பை பெற்று வருகிறது. இரண்டாம் நாளில் இந்தியளவில் கே.ஜி.எஃப் திரைப்படம் 240 கோடி வசூல் செய்ததாக தகவல் வெளியாகியுள்ளது
யுவன் - அனிருத் ரசிகர்கள் மோதல்
சமூக வலைதளங்களில் யுவன்ஷங்கர்ராஜா,அனிருத் ரசிகர்கள் வார்த்தை வாக்குவாதத்தில் ஈடுபட்டனர். யுவன்ஷங்கர்ராஜா தனது இன்ஸ்டாகிராம் பக்கத்தில் வெளியிட்ட வீடியோவில், துபாயில் நடைபெற உள்ள இசை ஆல்பம் நிகழ்ச்சிக்காக ஆண்ட்ரியா உள்பட பிரபல இசைக்கலைஞர்களுடன் யுவன்ஷங்கர்ராஜா இருப்பது போல உள்ளது. வீடியோவின் பின்னணியில் இசையும் ஒலிக்கிறது.இந்த வீடியோவை யுவன்ஷங்கர் ராஜா ரசிகர்கள் பகிர்ந்து வருகின்றனர். ஆனால், அனிருத்தின் ரசிகர்கள் யுவன்ஷங்கர்ராஜா பயன்படுத்தியுள்ள பி.ஜி.எம். பீஸ்ட் படத்தில் அனிருத் பயன்படுத்தியுள்ள இசை என்று கருத்துக்களை பதிவிட்டு வருகின்றனர். இதற்கு, யுவன்ஷங்கர் ராஜா ரசிகர்கள் கடும் கண்டனங்களையும், எதிர்ப்புகளையும் பதிவிட்டு வருகின்றனர். இதற்கு, அனிருத் ரசிகர்களும் எதிர்ப்பு தெரிவித்து வருகின்றனர்.
பிரபல ஹாலிவுட் நடிகர் மீது மனைவி புகார்
பிரபல ஹாலிவுட் நடிகர் ஜானி டெப் தன்னுடைய பிறப்புறுப்பில் மதுபாட்டிலை நுழைத்து பாலியல் கொடுமை அளித்ததாக அவரது இரண்டாவது மனைவி குற்றம்சாட்டியுள்ளார். அவரின் இந்தப்புகார் ஹாலிவுட்டில் பரபரப்பை ஏற்படுத்தியுள்ளது.
பீஸ்ட் படத்தை பார்த்த ரஜினி
நடிகர் ரஜினிகாந்த் சன் டிவி அலுவலகத்தில் பீஸ்ட் படத்தை பார்த்ததாகவும், படத்தை பார்த்துவிட்டு படம் குறித்து எந்த ஒரு விமர்சனமும் செய்யாமல் அமைதியாக இருந்ததாகவும் தகவல் வெளியாகியுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்